Қорақалпоғистонда ўзини сувга ташлаган аёл ҳаётини Миллий гвардия ходими сақлаб қолди, деб «Дарё»га хабар берди Миллий гвардия матбуот хизмати.
Маълум қилинишича, 10 октябрь, пайшанба куни 11:30 да номаълум аёл Cobalt машинасида келиб, кўприк олдида тушиб қолган ва ўзини дарёга ташлаган. Кўприк ҳудудида хизмат олиб бораётган Миллий гвардия қўриқлаш хизмати ходимлари бу ҳолатни кўриб, зудлик билан чўкаётган аёлни сувдан олиб чиққан.
Қорақалпоғистондаги Амударё устидаги «Қипчоқ понтон кўприги»дан алоҳида тоифаланган ва қўриқланадиган кўприк ҳисобланади.
Қўшимча қилинишича, Қўриқлаш хизмати ходимлари тез тиббий ёрдам хизмати ва туман Ички ишлар бошқармаси навбатчилик қисми воқеа жойига келгунига қадар аёлга биринчи тиббий ёрдам кўрсатган.
Мавзуга доир:
Изоҳ (0)