Саудия Арабистони ҳамда Эрон ўртасидаги тўқнашув Афғонистонга ўз таъсирини кўрсатади, дея қайд этган эксперт Руперт Стоун «ТRT World» телеканали сайтидаги ўз рукнида.
Таҳлилчи Афғонистон ва Эрон худди Яман ҳамда Саудия Арабистони каби бир-бири учун муҳим аҳамиятга эга ҳудудлар эканлигини қайд этди.
«Эрон Яман воситасида жуда кам воситалар сарфлаб Саудия Арабистонига ҳужум уюштиргани учун Саудия ҳам Афғонистон орқали жавоб қайтариши мумкин», — дея фикр билдирган Стоун.
Экспертнинг фикрича, Саудия Арабистони ўз позициясини ўзгартириши ва прагматик равишда совуққонлик билан «Толибон» ҳаракати билан ишлаши мумкин.
«Жангарилар гуруҳи 1990 йилда фуқаролик урушида ғолиб бўлган вақтдаги билан таққослаганда анча мураккаброқ. Энди ушбу ҳаракатнинг хориждаги ҳомиялари, уни қўллаб-қувватловчилар кўпроқ. «Толибон» ҳаракатига қарши турувчилар гуруҳи ҳам икки бўлиниб қолган», — дейди Стоун.
Таҳлилчи Эрон ҳукуматининг Афғонистонга гамхўрлик қилиб, «Толибон» ҳаракати билан муносабатларни мустаҳкамлагани, Саудия Арабистони эса ҳаракат мамлакатнинг ҳудуддаги энг асосий рақиби Қатарда бош офисини очгани сабаб улар билан дипломатик муносабатлар ўрнатишни истамаганини эслатди.
Шунингдек, Стоун Эрон ва Афғонистоннинг қуруқликда ўзаро чегарадош экани ҳамда форслар ҳудудида қўшни давлатдан келган қочоқлар сонининг кўплигига ҳам эътибор қаратган.
«Энди Теҳрон «Толибон» ҳаракатини қўллаб-қувватламоқда ва Афғонистондаги рақиблар тарафдорлари билан ҳам низога бормаяпти. Эрон ҳаракат билан яқинлашиб ўқув лагерлари ташкил қилиш, жангариларга қурол-яроғ бериш билан бирга, мамлакатнинг таълим ва дин лойиҳаларини молиялаштирди. Натижада Афғонистоннинг асосий савдо ҳамкорига айланди», дея таъкидлаган эксперт.
Экспертнинг сўзларига кўра Ар-Риёд ҳам ташаббусни қўлдан бермайди ва жангарилар билан келишувга эришиши мумкин. Бу учун Саудия Арабистони «Ал-Қоида» гуруҳи билан совуқлашган муносабатларини қайта тиклаши лозим.
Изоҳ (0)