Нукусда 30 сентябрдан 6 октябргача Ўзбекистон ва Туркманистон ўртасидаги Давлат чегарасини делимитация ва демаркация қилиш бўйича Ўзбекистон—Туркманистон ҳукуматлараро комиссияси ишчи гуруҳларининг навбатдаги учрашуви ўтказилди.
Ўзбекистон ТИВ матбуот хизматининг хабарига кўра, учрашувда томонлар демаркациянинг меъёрий-техник ҳужжатларини солиштириб чиқди ва уларни Ўзбекистон ва Туркманистон ўртасидаги Давлат чегарасини делимитация ва демаркация қилиш бўйича Қўшма Ўзбекистон—Туркманистон ҳукуматлараро комиссияси томонидан тасдиқлашга келишди.
Учрашувда, шунингдек, ўзаро чегарада аэрофотосуратга олиш юзасидан фикр алмашилган.
Музокаралар якунида делегациялар раҳбарлари — Ўзбекистон Ер ресурслари, геодезия, картография ва давлат кадастри давлат қўмитаси раисининг биринчи ўринбосари Тўлқин Абдуллаев ва Туркманистон Мудофаа вазирлигининг 5-сонли корхонаси раҳбари Мамед Маммедов тегишли баённома имзолаган.
Изоҳ (0)