Facebook асосчиси Марк Цукербергнинг маълум қилишича, дунёдаги бирор бир миллиардер бундай миқдордаги пулларга муносиб эмас. Шу тариқа Цукерберг ўз компанияси ходимининг саволига жавоб берди. Ходим ундан АҚШ президентлигига номзод Берни Сандерснинг миллиардерлар бўлмаслиги керак, деган фикрига қўшилиш ёки қўшилмаслигини сўраган, деб ёзмоқда Bloomberg.
Цукерберг дунёнинг энг бой одамлари рўйхатида бешинчи, АҚШнинг энг бой одамлари рўйхатида эса тўртинчи ўринда турибди. Bloomberg Billionaires Index маълумотларига кўра, айни пайтда унинг бойлиги 69,4 миллиард долларни ташкил қилади.
«Агар сиз бирор нарса қилсангиз, унинг мукофотини оласиз, бироқ ўйлашимча, баъзан бойликнинг миқдори асоссиз бўлиб кетади», — деб таъкидлаган Facebook раҳбари.Унинг қайд этишича, баъзан пул маблағларининг битта қўлда тўпланиши фойда келтиради. Масалан, шахсан унинг ўзи илмий ишланмаларни, хусусан, касалликларни даволаш ва олдини олишга қаратилган ишланмаларни қўллаб-қувватлайди. Цукербергнинг сўзларига кўра, у бутун фанни давлат молиялаштириш ёндашуви самарали эканлигига ишонмайди.
Мавзуга доир: Forbes АҚШнинг энг бой кишилари рўйхатини эълон қилди
Цукербергнинг саволларга жавоблари барча учун очиқ бўлган жонли эфирда намойиш этилган. Компания ходимлар билан бўлган аввалги учрашувларнинг аудиоёзувлари сизиб чиқиш ҳолати юз бергани сабабли шундай йўл тутишга қарор қилган.
Сандерс даромадлар даражасидаги нотенгликни салбий баҳолаган. У ўсиб борувчи шкалали солиқ ставкасини киритишни таклиф қилган. Унинг таклифига кўра, бойлиги 10 миллиард доллардан ошадиганлар учун ставка саккиз фоизгача ошиши керак. Сандерснинг ўзи эса миллионер ҳисобланади. У ўз бойлигини оммабоп китоб ёзганлиги билан тушунтирган ва бу ишни такрорлаган ҳар қандай киши миллион доллар ишлаб олиши мумкинлигини айтган.
Изоҳ (0)