Instagram’да эълон қилинган биринчи сурат топилди

Instagram тармоғида энг биринчи эълон қилинган постларни топиш имконияти мавжуд. Бу ҳақда «Vc.ru»да маълум қилинди.

https://www.instagram.com/p/G/?utm_source=ig_embed&utm_campaign=dlfix

Маълум қилинишича, биринчи сурат 2010 йил 16 июлда Сан-Франциско вақти билан соат 10:26 да эълон қилинган. Сурат Instagram асосчиларидан бири Майк Кригер томонидан олинган. Суратда Сан-Францискодаги DogPatch Labs бизнес-инкубаторининг деразасидан кўриниб турган яхталар тўхташ жойи акс этган.

Қайд этилишича, дастлабки постларда ҳарфли белгилар бўлган, кейинчалик тизим ҳар бир постга ҳарфли-рақамли кетма-кетлик беришни бошлаган. Шу тариқа тармоқда дастлабки постлар топилган. Баъзи постлар ўчирилган, бошқаларида эса суратнинг ўзи кўринмаяпти, бироқ кўплаб суратлар тўққиз йилдан сўнг ҳам сақланиб қолган.

Ижтимоий тармоқ асосчиси Кевин Систром томонидан 2010 йил 20 июлда эълон қилинган постда Instagram яратилган офиснинг сурати акс этган.

https://www.instagram.com/p/t/?utm_source=ig_embed&utm_campaign=dlfix

Instagram’даги дастлабки суратлардан бирида тармоқ асосчининг ўзи ҳам акс этган. Сурат Систромнинг яхши кўрган қизи Николь томонидан эълон қилинган ва унда Schmidt’s геотеги акс этган. Бу Сан-Францискода жойлашган ва айни вақтда ёпилган рестораннинг номи. Беш йилдан сўнг Николь Систромнинг рафиқаси бўлган ва Instagram бошқарувидан ўрин олган.

https://www.instagram.com/p/z/?utm_source=ig_embed&utm_campaign=dlfix

2012 йилнинг апрель ойида Instagram Facebook томонидан сотиб олинган. 2018 йилга келиб, рўйхатдан ўтган фойдаланувчилар сони бир миллиарддан ошган.