Facebook компанияси Instagram тармоғидаги энг яқин дўстлар билан ёзишиш имконини берадиган Threads мессенжерини тадим этди. Бу ҳақда Instagram матбуот хизмати хабар берди.
«Биз фойдаланувчиларнинг тор доирадаги дўстлари билан кун давомида узоқ мулоқот қилишига, нима иш билан шуғулланаётгани ёки нимани ҳис қилаётганини айтишга эҳтиёжлари борлигини сездик», — дейилади хабарда.
Бундан ташқари, Threads’да суҳбатдошнинг қаерда эканлиги ҳақида маълумот берувчи функция ҳам мавжуд.
Эслатиб ўтамиз, август ойида фойдаланувчилар матн, фото, видео ҳамда жойлашувлари билан ўша вақтнинг ўзида бўлишишлари мумкин бўлган дастур яратилаётгани ҳақида хабар берилганди.
Изоҳ (0)