Маркетинг ва рекламага бағишланган Makon Marketing Forum 2019 биринчи миллий бизнес-форуми Тошкент ва Самарқандда ўтказилади.
Биринчи бор Ўзбекистоннинг етакчи экспертлари, иш эгалари ва йирик компаниялар топ-менежерлари бошқарув, маркетинг ва сотувлардаги шахсий тажрибалари билан ўртоқлашиш учун бир саҳнада жам бўлади. Форум иштирокчилари бозор экспертларидан долзарб билимлар ҳамда маркетинг ва рекламанинг самарали воситаларини олиш имконига эга бўлади.
Makon Marketing Forum 2019 конференцияси 19 октябрда Тошкентда ва 2 ноябрь куни Самарқандда ўтказилади. Ҳар бир шаҳардаги форум иштирокчиларини саккизтадан экспертлар чиқиши кутмоқда. Маърузачилар ўз маҳсулотлари ёки хизматларини реклама қилмайди, балки шахсан нималар қилганликлари ҳақида сўзлайди, ностандарт креатив ечимлар тўғрисида ҳикоя қилади ва ўз ғояларингизни қандай амалга ошириш борасида қимматли маслаҳатлар беради.
«Форумнинг асосий вазифаси, форум ташкилотчиси, Миллий маркетинг маркази бошқаруви раиси Диёр Мирзааҳмедовнинг фикрига кўра, «реал тажриба ва билимга эга, ўз ҳамкасблари ва бошловчи мутахассислар билан реал кейслар ҳамда мутлақо амалий характерга эга ‘сувсиз’ ахборотни ўртоқлашишга тайёр маҳаллий маърузачилар жам бўладиган тармоқ майдончасини яратишдир».
«Бу давлат тилида мана шундай кенг кўламли тадбир ташкил этиш борасидаги биринчи тажрибадир. Мен муваффақиятга эришган тадбиркорларимиз лойиҳани қўллаб-қувватлаганликлари ва юртдошларимиз билан ўз билимларини ўртоқлашишга тайёр эканликларидан хурсандман. Бизнес учун ҳам қизиқарли, ҳам фойдали бўладиган форумда қатнашишга таклиф этамиз», — дейди Диёр Мирзааҳмедов.
Сир эмаски, кейинги пайтда тобора кўпроқ тадбиркорлар маркетинг бизнес ривожи учун муҳимлигини ва сотувларнинг самарадорлиги кўп жиҳатдан нафақат маҳсулотнинг ўзига, балки бозорда тўғри позиция танлашга, илгарилатишга, истеъмолчи билан мулоқотга ва маркетинг фаолиятининг боқша кўплаб жиҳатларига боғлиқлигини тушуниб етмоқда. Айнан шу сабабли маркетинг бўйича мутахассисларга талаб ҳамма жойда юқори бўлмоқда.
Шуни англаган ҳолда, ташкилотчилар Форум миссиясини белгилади — бутун мамлакат бўйлаб маркетингни ривожлантириш. Айнан шу сабабли конференция бир вақтда мамлакатнинг иккита йирик шаҳрида: Тошкент ва Самарқандда ўтади. Пойтахт ва минтақалар аҳолисида яқин келажакда биринчи марта янги форматдаги чиқишларни тинглаш ва билимлар ҳамда маркетинг ва реклама воситаларига эга бўлиш имконияти юзага келади. Бу эса, шубҳасиз, янги ғоялар туғилишига сабаб бўлади. Ғоялар ва тажриба эса янги имкониятларга эшик очади.
Makon Marketing Forum 2019’га ташриф буюриш компаниялар ва иштирокчилар карьераси ривожидаги янги нуқта бўлишига ташкилотчиларнинг ишончи комил. Барчага илгарилатишнинг янги воситаларини татбиқ этиш имкониятидан муваффақиятли фойдаланишни, ўз ишининг натижавийлигини оширишни ва ўзи учун маркетинг, реклама ва сотувларда янги истиқбол очишни тилайди.
Makon Marketing Forum 2019’да қатнашишини тасдиқлаган маърузачилар:
Зафар Ҳошимов
Мурад Назаров
Иброҳим Ғуломов
Муҳаммад Али Шакиров
Умид Ғофуров
Темур Саъдий
Баҳодир Фозилхўжаев
Акмал Насридинов
Алишер Исаев
Азиз Гаппаров
Бахтиёр Тўхтаев
Азизбек Юсуфов.
Бош ҳамкор — Ўзбекистон либерал демократик партияси
Makon Marketing Forum 2019 ташкилотчилари:
Ўзбекистон Республикаси Монополияга қарши курашиш қўмитаси, Ўзбекистон Республикаси Ёшлар иттифоқи, Ўзбекистон Ёшлар тадбиркорлиги қўллаб-қувватлаш маркази, Миллий маркетинг маркази
Маърузачилар ва асосий мавзулар кўрсатилган Форум дастури тадбирнинг расмий сайтига жойлаштирилган:
Чипталар www.iticket.uz сайтида сотилмоқда.
Изоҳ (0)