Ахборот ва оммавий коммуникациялар агентлигида 30 сентябрь куни Давлат статистика қўмитаси марказий аппарати, Тошкент шаҳри ва вилояти статистика бошқармалари мутасаддилари, Кадрларни қайта тайёрлаш ва статистик тадқиқотлар институти ходимлари иштирокида йиғилиш бўлиб ўтди, деб хабар беради «Kun.uz».
Давлат статистика қўмитаси бошқарма бошлиғи Жаҳонгир Йўлдошев аҳолининг гўшт истеъмоли ҳақида ахборот берди.
Ўзбекистонда бир йилда бир киши 43,2 килограмм гўшт ва гўшт маҳсулотларини истеъмол қилади. Республикада аҳолининг гўшт истеъмоли даражаси ўртача. Тожикисон ва Қирғизистондан кўпроқ. Россия, Қозоғистон, Озарбайжон ва бошқа Болтиқбўйи давлатларига нисбатан камроқ гўшт истеъмол қиламиз.Давлат статистика қўмитаси раҳбари ўринбосари бошқа озиқ-овқат маҳсулотлари истеъмоли ҳақида ҳам маълумот берди. Унга кўра, 2018 йил давомида бир киши ўртача 272 литр сут ва сут маҳсулотлари, 4,8 килограмм балиқ маҳсулотлари, 150 килограмм мева ва резаворлар, 56 килограмм картошка истеъмол қилган.Жаҳонгир Йўлдошев
Аввалроқ Ўзбекистон фермерлар кенгаши раиси Актам Ҳайитов «Биз жуда кўп гўшт еяпмиз», дея гўшт нархи ошишига изоҳ берган эди. Актам Ҳайитовнинг бу сўзлари кўплаб муҳокамаларга сабаб бўлди.
Мавзуга доир: «Биз жуда кўп гўшт еяпмиз». Ўзбекистон фермерлар кенгаши раиси Актам Ҳайитов гўшт нархи ошишига изоҳ берди
Изоҳ (0)