Axborot va ommaviy kommunikatsiyalar agentligida 30-sentabr kuni Davlat statistika qo‘mitasi markaziy apparati, Toshkent shahri va viloyati statistika boshqarmalari mutasaddilari, Kadrlarni qayta tayyorlash va statistik tadqiqotlar instituti xodimlari ishtirokida yig‘ilish bo‘lib o‘tdi, deb xabar beradi “Kun.uz”.
Davlat statistika qo‘mitasi boshqarma boshlig‘i Jahongir Yo‘ldoshev aholining go‘sht iste’moli haqida axborot berdi.
O‘zbekistonda bir yilda bir kishi 43,2 kilogramm go‘sht va go‘sht mahsulotlarini iste’mol qiladi. Respublikada aholining go‘sht iste’moli darajasi o‘rtacha. Tojikison va Qirg‘izistondan ko‘proq. Rossiya, Qozog‘iston, Ozarbayjon va boshqa Boltiqbo‘yi davlatlariga nisbatan kamroq go‘sht iste’mol qilamiz.Davlat statistika qo‘mitasi rahbari o‘rinbosari boshqa oziq-ovqat mahsulotlari iste’moli haqida ham ma’lumot berdi. Unga ko‘ra, 2018-yil davomida bir kishi o‘rtacha 272 litr sut va sut mahsulotlari, 4,8 kilogramm baliq mahsulotlari, 150 kilogramm meva va rezavorlar, 56 kilogramm kartoshka iste’mol qilgan.Jahongir Yo‘ldoshev
Avvalroq O‘zbekiston fermerlar kengashi raisi Aktam Hayitov “Biz juda ko‘p go‘sht yeyapmiz”, deya go‘sht narxi oshishiga izoh bergan edi. Aktam Hayitovning bu so‘zlari ko‘plab muhokamalarga sabab bo‘ldi.
Mavzuga doir: “Biz juda ko‘p go‘sht yeyapmiz”. O‘zbekiston fermerlar kengashi raisi Aktam Hayitov go‘sht narxi oshishiga izoh berdi
Izoh (0)