Қирғизистоннинг Боткен вилоятида 2016 йилда жазони ўташ муассасасидан қочиб кетган Ўзбекистон фуқароси қўлга олинди. Бу ҳақда Fergana News хабар берди.
Эркак вилоятнинг Қизил Қия шаҳрида гиёҳванд моддаларнинг ноқонуний айланишига қарши курашиш хизмати ходимлари томонидан ушланган.
Аниқланишича, қўлга олинган эркак қидирувда бўлган 1983 йилда туғилган Сайдуллахон Аббосов бўлиб чиққан. Қирғизистонда у Бекпўлат Қўшоқов исми билан яшаган.
2010 йилда Тошкентда суд Аббосовни зўрлаш, қотиллик ва талончилик учун озодликдан маҳрум этишга ҳукм қилганди.
Бироқ Аббосов 2016 йилда қамоқхонадан қочиб кетган ҳамда чегарани ноқонуний кесиб ўтиб, Қирғизистоннинг Боткен вилояти Кадажмайский туманига кетган. Бу ерда у ўзига янги таржимаи ҳол ўйлаб топган, исмини ўзгартирган, уйланиб яшай бошлаган.
Қайд этилишича, Аббосов Қирғизистонда ҳам жиноий ҳаракатларини давом эттирган. У Қизил Қия ва Қадамжой шаҳарлари аҳолисидан жами 300 минг сом (4,3 минг доллар) миқдорида пулни алдов йўли билан ундирган.
Ўзбекистон фуқаросига нисбатан чегарани ноқонуний кесиб ўтиш моддаси бўйича ҳам жиноят иши қўзғатилган.
Қочоқнинг ҳибсга олиниши тўғрисида Ўзбекистон ҳуқуқни муҳофаза қилиш органлари хабардор қилинганми, йўқми ҳозирча номаълум, дейилади хабарда.
Изоҳ (0)