Футбол бўйича Ўзбекистон Суперлигасининг 21-тури доирасида 30 сентябрь, душанба куни 2 та ўйин якунланди.
Вадим Абрамов қўл остидаги Тошкентнинг «Бунёдкор» клуби ўз майдонида «Бухоро»ни қабул қилди.
Беллашувнинг 40-дақиқасида «қалдирғочлар» ҳужумчиси Миржаҳон Мираҳмадов ҳисобни очган бўлса, 54-дақиқага келиб Бухоро клуби ҳимоячиси Жамолиддин Убайдуллаев ҳисобни тенглаштирди.
Шу тариқа учрашув 1:1 ҳисобида якунланди ва жамоалар бир очкодан бўлишиб олди.
Маълумот учун, «Бунёдкор» 35 очко жамғарган ҳолда мусобақа жадвалида 3-ўринни эгаллаб турибди. «Бухоро» эса 19 очко билан 12-ўринни банд қилиб турибди.
Шу куни Рўзиқул Бердиев бошқарувидаги Қаршининг «Насаф» клуби сафарда Миржалол Қосимов бошлиқ Олмалиқнинг ОКМК жамоасига қарши майдонга тушди.
Баҳс давомида Олмалиқ клуби вакиллари Шаҳзод Нурматов (10) ҳамда Эркин Байдуллаев (90+5) Қарши клуби дарвозасини ишғол қилган бўлса, «Насаф»дан Бобур Абдухолиқов битта голга муаллифлик қилди.
Натижада ОКМК ўз уйида «Насаф»ни 2:1 ҳисобида мағлубиятга учратди ва 3 очкога эга бўлди.
Ушбу ғалабадан сўнг ОКМК очколари сонини 22 тага етказиб, мусобақа жадвалида 9-ўринга кўтарилиб олди. «Насаф» эса 28 очко тўплаб 6-ўринни эгаллаб турибди.
Суперлига
21-тур баҳси
30 сентябрь, душанба
«Бунёдкор»—«Бухоро» 1:1
Голлар: 1:0 — 40 Миржаҳон Мираҳмадов, 1:1 — 54 Жамолиддин УбайдуллаевОКМК—«Насаф» 2:1
Голлар: 1:0 — 10 Шаҳзод Нурматов, 1:1 — 34 Бобур Абдухолиқов, 2:1 — 90+5 Эркин БайдуллаевЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)