Жанубий Кореяда юк ташувчи кема портлади (видео)

Жанубий Кореянинг Ульсан портида Stolt Groenland юк ташувчи кемаси портлади, деб хабар бермоқда «РИА Новости».

Кемада Кайман ороллари байроғи остида нефть маҳсулотлари ташилаётган бўлган. Кема маҳаллий вақт билан соат тахминан 10:51 да портлаган ва ёнғин содир бўлган. Қайд этилишича, ҳодиса вақтида кемада бўлган 25 нафар экипаж аъзоларининг 10 нафари, шу жумладан, капитан ҳам россиялик ёки украиналик бўлган. Уларнинг барчаси эвакуация қилинган.

Ёнғин кема корпусига тез тарқалган ва унинг ёнида причалга боғланган Сингапур байроғи остидаги Bow Dalian юк кемасига ҳам ўтган. Кемада 21 нафар экипаж аъзолари бўлган. Улар қайси миллат вакиллари эканлиги номаълум. Улар ҳам эвакуация қилинган.

https://www.instagram.com/p/B28YJc_noaz/?utm_source=ig_web_copy_link

Ҳозирда 9 киши жабрлангани маълум. Улардан бири оғир аҳволда деб баҳоланмоқда. Жабрланганлар орасида россияликлар бор-йўқлигига ҳозирча аниқлик киритилмаган.