Самарқанд вилояти Ургут тумани халқ таълими бўлими тумандаги мактаблардан бирида директор ўринбосари 11-синф ўқувчиларининг сочини мажбурлаб олгани ва уларга жароҳат етказгани бўйича муносабат билдирди. Бу ҳақда «Zarnews» хабар бермоқда.
Маълум бўлишича, туманидаги 47-умумий ўрта таълим мактабининг маънавий-маърифий ишлар бўйича директор ўринбосари Ш. Очилов 11-синф ўқувчиси О.Х.нинг сочини ўсган ҳолда мактабга келганлиги сабаб, бошқа ўқувчилар олдида унинг сочини олиб ташлаган. Қайчининг тиғидан О.Х.нинг бошига шикаст етган.
Ушбу воқеа акс этган фотосурат ва маълумотлар юзасидан 23-сентябр куни тумандаги барча таълим муассасалари раҳбарлари иштирокида кенгайтирилган йиғилиш ўтказилган. Мактабда «Одоб-ахлоқ қоидалари» ва бола ҳуқуқларининг доимий кафолатланиши тўғисида туман халқ таълими тизимида ишлаётган барча педагог ходимларга етказилган. Бу бўйича мутасаддиларга тегишли топшириқлар берилиб, раҳбарлардан кафолат хатлари олинган.
«47-умумий ўрта таълим мактаби директорининг маънавий-маърифий ишлар бўйича ўринбосари Ш.Очилов берилган топшириқларга амал қилмагани, бефарқлиги учун Меҳнат кодексининг тегишли моддасига асосан интизомий чора кўрилган»Ургут тумани халқ таълими бўлими
Изоҳ (0)