Жорий йилнинг сўнгги саккиз ойи давомида Тошкент шаҳрида 137 нафар ота-она ўз фарзандларининг кечаси интернет-кафе ва тунги клубларда юргани учун жарима тўлади. Бу ҳақда Тошкент шаҳар ИИББ вояга етмаганлар иши бўйича катта инспектор Абдурашид Очилов брифинг вақтида маълум қилди.
Ҳар куни кечки соат 22:00 дан кейин вояга етмаганлар билан шуғулланувчи инспекторлар интернет-кафе, тунги клублар ва бошқа шу турдаги ёшлар тўпланадиган жойларда рейдлари амалга оширади.Далолатнома тузилиб, иш судга оширилгач, ота-оналар энг кам иш ҳақининг 10—15 баробари миқдорида жаримага торилади. Бундан ташқари, вояга етмаганларнинг маълумоти Маъмурий жавобгарлик тўғрисидаги кодекснинг 47-моддасига мувофиқ (Болаларни тарбиялаш ва уларга таълим бериш борасидаги мажбуриятларни бажармаслик) ҳокимлик қошидаги комиссияга юборилади.Бундай муассасаларда катталар ҳамроҳлигида бўлмаган вояга етмаганлар аниқлангудек бўлса, уларга нисбатан Маъмурий жавобгарлик тўғрисидаги кодекснинг 188-моддаси бўйича иш очилади.
Абдурашид Очилов, ИИББ вояга етмаганлар иши бўйича катта инспектор
Изоҳ (0)