Joriy yilning so‘nggi sakkiz oyi davomida Toshkent shahrida 137 nafar ota-ona o‘z farzandlarining kechasi internet-kafe va tungi klublarda yurgani uchun jarima to‘ladi. Bu haqda Toshkent shahar IIBB voyaga yetmaganlar ishi bo‘yicha katta inspektor Abdurashid Ochilov brifing vaqtida ma’lum qildi.
Har kuni kechki soat 22:00 dan keyin voyaga yetmaganlar bilan shug‘ullanuvchi inspektorlar internet-kafe, tungi klublar va boshqa shu turdagi yoshlar to‘planadigan joylarda reydlari amalga oshiradi.Dalolatnoma tuzilib, ish sudga oshirilgach, ota-onalar eng kam ish haqining 10—15 barobari miqdorida jarimaga toriladi. Bundan tashqari, voyaga yetmaganlarning ma’lumoti Ma’muriy javobgarlik to‘g‘risidagi kodeksning 47-moddasiga muvofiq (Bolalarni tarbiyalash va ularga ta’lim berish borasidagi majburiyatlarni bajarmaslik) hokimlik qoshidagi komissiyaga yuboriladi.Bunday muassasalarda kattalar hamrohligida bo‘lmagan voyaga yetmaganlar aniqlangudek bo‘lsa, ularga nisbatan Ma’muriy javobgarlik to‘g‘risidagi kodeksning 188-moddasi bo‘yicha ish ochiladi.
Abdurashid Ochilov, IIBB voyaga yetmaganlar ishi bo‘yicha katta inspektor
Izoh (0)