Президент Шавкат Мирзиёев 25 сентябрь куни БМТ Инсон ҳуқуқлари кенгашининг судьялар ва адвокатлар мустақиллиги масалалари бўйича махсус маърузачиси Диего Гарсия-Саянни қабул қилди, дея хабар бермоқда давлат раҳбарининг матбуот хизмати.
Учрашувда ҳамкорликнинг истиқболли йўналишлари юзасидан батафсил фикр алмашилган, Ўзбекистоннинг суд-ҳуқуқ соҳасидаги қонунчилигини янада такомиллаштириш жиҳатлари ва қўшма тадбирлар ўтказиш масалалари муҳокама қилинган.
«Диего Гарсия-Саян давлатимиз раҳбари ташаббуси билан давлат ва халқ ўртасида бевосита мулоқот орқали фуқаролик жамиятини ривожлантириш, қонунийлик ва ҳуқуқ устуворлигини мустаҳкамлаш, одил судловни таъминлаш борасида амалга оширилаётган ислоҳотларни юксак баҳолади», — дейилади расмий ахборотда.
У Ўзбекистон билан конструктив ҳамкорликни давом эттиришга ва демократик янгиланишларни амалга оширишда амалий кўмаклашишга тайёр эканини таъкидлаган.
Изоҳ (0)