Шайхонтоҳур туманидаги хонадонлардан бирида йирик босқинчилик жинояти содир этилди. Хонадонга юзини яшириб олган етти киши бостириб кириб, уй эгаларининг оёқ-қўлини боғлаб қўйган ва ичида катта миқдорда пул бўлган сейфни олиб чиқиб кетган, дея хабар бермоқда «Xabar.uz».
ИИББ томонидан хабар қилинишича, гуруҳ аъзолари из қолдирмаслик учун ҳатто кузатув камералари хотирасини ечиб кетишган. «Аммо уларнинг иши барибир хом бўлиб чиқди, шаҳардаги юзлаб кузатув камераларидан бирига жиноятчиларнинг тайёргарлик жараёни тушиб қолган», — дейилади хабарда.
Маълум бўлишича, жиноятчиларнинг бошлиғи жабрланувчиларга бегона бўлмаган — босқинга учраган хонадонга невара-куёв бўлган. Босқинчилар ҳеч нарсага тегмасдан, фақат сейф турадиган жой ойнасини синдириб, сейфни олиб чиқиб кетган.
«Хонадон эгаси қайнонамнинг отаси бўлади. У ҳамма жойда 300 минг доллар пулим бор, деб мақтаниб юрарди. Қайнонам инсулт бўлиб қолди, дори-дармон учун пул керак эди. Қарз сўрасам, бермади. Бермади, шунга аҳмоқлик қилиб, жаҳл устида шу ишни қилиб қўйдим. Пушаймонман», — дейди невара-куёв.
Изоҳ (0)