Lockheed Martin 2030 йил 30 сентябрга қадар Artemis дастури асосида 6 тадан 12 тагача Orion космик кемаларини қуриб битказиши лозим. АҚШ Аэронавтика ва космик фазони тадқиқ қилиш миллий бошқармаси (NASA) компания билан бу борада шартнома имзолади. Бу ҳақда «Коммерсантъ» хабар бермоқда.
Дастурга кўра Ойга 2024 йилга қадар аёллар ва эркакларни учириш мўлжалланган.
Дастлабки икки космик кеманинг нархи 2,7 миллиард АҚШ долларига баҳоланмоқда ва улар яқин уч йил ичида етказиб берилади. Нархи 1,9 миллиард АҚШ долларига тенг яна учта кема NASA ихтиёрига 2022 йилда топширилади.
«Ушбу шартнома Orion кемаларининг кейинги ўн йиллик учун ишлаб чиқарилиши ва NASA’нинг Ойда одамларнинг барқарор юра олишини таъминлаб, космонавтларни Марсга учиришга тайёргарлик кўрмоқчи», — NASA раҳбари Жим Брайденстайн.
Бошқарманинг яна бир мақсади кема таркибий қисмларидан кўп марта фойдаланишни таъминлаш.
Аввал АҚШ президенти Дональд Трамп 2024 йилга қадар ҳар қандай йўл билан Ойга америкаликларни учиришни талаб қилган ва ушбу мақсадлар учун 1,6 миллиард АҚШ доллари ажратишини ваъда берганди. Давлат раҳбари АҚШнинг фазога яна «қучоқ очишини» истамоқда.
«Роскосмос» космонавтларнинг Ойга учирилишини 2029 йилга режалаштирган. Одамларни жойлаштириш ишлари эса 2030 йилда амалга оширилади. 2018 йилда давлат корпорацияси охирги беш йил ичида илк бора Россиянинг 2030 йилгача бўлган космик стратегиясини тақдим этган. Жаҳон бозорида рақобатбардош соҳа маҳсулотлари сонини ошириш, жаримали ҳолатларнинг олдини олиш, Хитой ҳамда Ҳиндистон билан кўп томонлама ҳамкорлик, шунингдек, Ойга космонавтлар парвозларини амалга ошириш асосий мақсадлар қилиб белгиланган.
Изоҳ (0)