Афғонистоннинг Пактика вилоятидаги операция чоғида ҳибсга олинган «Толибон»нинг ёш жангчиси тенгдошлари ҳаракат сафида жинсий зўравонликка дуч келаётганини билдирди. Бу ҳақда Khaama Press хабар бермоқда.
Унинг айтишича, бунга катта ёшдаги жангарилар сабаб бўлмоқда.
Жангчининг баёнотини афғон ҳарбийлари изоҳлади. «Шаҳин» корпуси қўмондонлигига кўра, жангарилар ёшларни кўпинча ўз сафларига таҳдидлар ёрдамида жалб этади.
Ҳарбийларнинг таъкидлашича, «Толибон» ҳаракатининг ёш тарафдорлари жинсий зўравонликка дуч келаётгани ҳақида кўплаб ҳужжатлар мавжуд.
Шу билан бирга, бундан бир неча йил аввал ўз ҳисоботларини эълон қилган Европа ҳуқуқ ҳимоячилари жангариларга нисбатан бундай айбловлар кўпинча Афғонистон махсус хизматлари томонидан тарқатилиши ва уларда келтирилган далиллар қўшимча текширувга муҳтожлигини билдирган.
Изоҳ (0)