Бош прокуратура ҳузуридаги Департаментнинг Избоскан туман бўлими ходимлари томонидан терговга қадар текшириш ўтказилди, дея хабар бермоқда Бош прокуратура матбуот хизмати.
Унда «Агробанк» Избоскан филиали фронт-офисининг бўлими бошлиғи Ж.Х., тумандаги мактабларнинг ўқитувчиларига йиллик микроқарз кредити ажратиш учун сохта кредит ҳужжатлари тузгани аниқланган.
Ходим ушбу ҳужжатлар асосида 245 нафар ўқитувчиларнинг ҳар бирига нақд пулда 3 миллион сўмдан жами 735 миллион сўм микроқарз ажратилишига ва пулларни банк кассасидан ечиб олишига эришган.
Лекин ходим ушбу пулларни ўқитувчиларга бериш ўрнига уларга Леново русумли ноутбукларни тарқатган. Мазкур ҳолат юзасидан Ж.Х.га нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари олиб борилмоқда.
Изоҳ (0)