2019 йилнинг 16 сентябрь куни Huawei компанияси Ўзбекистон алоқа операторлари учун АКТ саноати вакиллари ўртасида муваффақиятли алоқа учун платформа ташкил этиш мақсадида «IP GALA 2019» форумини ўтказди. 5G асрида транспорт тармоқлари, IP тармоқлари ривожланиши, маълумотларга ишлов бериш марказлари операторлик тармоқлари, автоматлаштириш ҳамда сунъий Интеллект каби мавзулар асосий муҳокамалар марказида бўлди.
Форумда маърузачилар 5G асрида IP-тармоқлар ва булутли технологияларни ривожлантириш тенденциялари, маълумотлар узатиш тармоқларини автоматлаштириш муаммолари ва ечимлари, 5G асрида транспорт тармоқларини жорий этиш ва эксплуатация қилиш тажрибаси, SRv6 (segment Routing v6) протоколидан фойдаланиш, шунингдек, Telco – Cloud инновацион стратегияси ва NCE ечимидан фойдаланиш мисоллари ҳақида сўзлаб берди.
«5G асри аллақачон бошланган ва тезлашиб бормоқда. Huawei компанияси бугунги кунда 5G тармоқларини ишга тушириш бўйича 50 дан ортиқ тижорат шартномаларини имзолади ва бутун дунё бўйлаб 150 мингдан ортиқ база станцияларини етказиб берди. Алоқа операторларининг бешинчи авлод тармоқларига қизиқиши ортиб бораётган бир шароитда транспорт тармоқларини модернизация қилишга алоҳида эътибор қаратиш лозим», — дейди Huawei Ўзбекистон оператор сегменти директори Жу Жунян.
Тадбир сўнгида алоқа операторлари ва Huawei компаниялари вакиллари иштирокида давра суҳбати бўлиб ўтди. Телеком-саноатни ривожлантириш ва АКТ соҳасининг бугунги ҳолати, шунингдек, транспорт тармоқларининг ўрни муҳокама қилинди. Маърузачилар транспорт тармоқларини ривожлантириш ва модернизация қилиш нуқтаи назаридан келиб чиққан ҳолда транспорт тармоқларининг энг устувор йўналишларини аниқладилар. Назоратчилар даражасида юзага келаётган қийинчиликлар ва муаммоларни ҳал қилиш йўллари билан боғлиқ масалалар муҳокама қилинди. Транспорт тармоқларини модернизация қилиш бўйича операторлар ходимларининг малакасини ошириш ҳам муҳим аҳамиятга эгалиги таъкидланди.
«IP-GALA» Ўзбекистон ҳудудида илк маротаба бўлиб ўтди. Ушбу форум Россия ва Беларусь алоқа операторларини бирлаштиришга муваффақ бўлган минтақавий миқиёсдаги тадбир саналиб, айни дамда Қозоғистонда ҳам ташкил этилиши кўзда тутилмоқда.
«IP-GALA 2019» 2019 йил 24—27 сентябрь кунлари UzExpoCenter марказида бўлиб ўтадиган Ўзбекистон АКТ ҳафталиги бошланиши арафасида ташкил этилди.
Таъкидлаш керакки, олдиндан турган мазкур форумда Huawei компанияси 5G технологиялари соҳасида амалга оширилаётган ўз ечимлари ва муваффақиятли лойиҳаларини намойиш этади, электрон ҳукумат ва хавфсиз шаҳарларни жорий этиш тажрибасини ўртоқлашади ҳамда инновацион интеллектуал қурилмаларини тақдим этади. Биз барчани Huawei стендига ташриф буюриб, АКТ ҳафталиги доирасидаги форумда қатнашишга чорлаймиз.
Реклама ҳуқуқи асосида.
Изоҳ (0)