Ўзбекистонлик шахматчи Мадаминов Муҳиддин 11—13 сентябрь кунлари Испаниянинг Салобрения шаҳрида 14, 16, 18 ёшли ўсмирлар ўртасида рапид ва блиц бўйича бўлиб ўтган Жаҳон чемпионатида иштирок этди.
Муҳиддин 14 ёшлилар ўртасида блиц бўйича бўлиб ўтган мусобақада рақиблари билан 1-2 ўринларни бўлишиб олди ва қўшимча кўрсаткичлар бўйича вице-чемпионликка сазовор бўлди.
Мадаминов айни дамда Тошкентдаги Sky Chess мактаби ўқувчиси ҳисобланади. Қайд этиш жоиз, 15 сентябрь, якшанба куни мазкур мактаб ўзининг 5 йиллик юбилейини нишонлади. Мактаб таваллуд куни Sky Chess Open 2019 мусобақасини ташкил этди. «Дарё» мухбири эса мактаб асосчисини суҳбатга тортди.
Sky Chess шахмат мактабини очиш ғояси қаердан келган?Маълумот учун, Нафиса ўзбекистонлик аёл шахматчилар орасида биринчи бўлиб, халқаро гроссмейстер мақомига эга чиққан.— Агар эътибор берилса, ҳамма ўғил болаларга эътибор қаратади. Қизлар эса кўп ҳолатда эътибордан четда қоларди. Менталитетимизда ҳам ўғил болалар роли каттароқ аҳамият касб этади. Синглим Ҳулкар билан аввалига биз бу мактабни фақат қизлар учун бўлишини режалаштиргандик. Шунга қарамай ота-онала барибир ҳам қизларга қўшиб, ўғил фарзандларини ҳам мактабга олиб келган.
Мактабнинг очилишига ва 5 йиллик даврни бошдан ўтказишига ким кўмаклашди?
— Биринчи ўринда энг катта кўмакчим — дадам бўлган. Мактабни очиб, унга инвентарларни келтириш ва жамийки ташкилий ишларни дадам олиб борган. Мактаб очилган вақтда дастлаб фақат минусда юрардик. Шундан сўнг мусобақалар ўтказишга ота-оналар ҳам ёрдам бера бошлади. Кетма-кет ғолибликлардан сўнг эса ҳомийлар пайдо бўлди.
Мактабда ёш чегараси борми?
— Йўқ. Мактабимизда 3 ёшдан 65 ёшгача бўлган ўқувчилармиз бор. Масалан, ўқувчимиз 65 ёшли Владимир Владимир айни дамда Олмаотадаги мусобақада иштирок этмоқда. У жорий йил Ўзбекистон чемпиони бўлди.
Мактаб 5 йилда нимага эришди?
— Бошида фақат ақлли қизларни тарбияламоқчи эдик. Аммо режалар йил сайин ўзгариб кетди. Эндиги мақсадимиз Ўзбекистон учун ақлли болаларни тарбиялашга айланди. Ақлли болалар — бизнинг келажагимиз. Шахмат эса шундай болаларни тарбиялашда бизга ёрдам беради. Шахмат билан шуғулланадиган болаларнинг ҳаммаси ҳам профессионал бўлмаслиги мумкин. Аммо улар зийрак ва ақлли бўлиб ўсиши мумкин.
Нафиса Мўминова, Sky Chess мактаби асосчиси, халқаро гроссмейстер
Мазкур мусобақани Ўзбекистон терма жамоаси бош мураббийи ҳам кузатиб борди:
Ўзбекистон терма жамоасини олдин кутиб турган мусобақалар ҳақида— Терма жамоа аъзоларини октябрь ойида Туркияда 16 ёшгача бўлганлар ўртасида навбатдаги Бутунжаҳон шахмат Олимпиадаси кутиб турибди. Ўтган йили Ўзбекистон терма жамоаси мазкур Олимпиадада биринчи ўринни қўлга киритганди. Бу йил жамоамизни икки нафар гроссмейстер тарк этди. Чунки уларнинг ёши энди 16 дан катта. Аммо икки гроссмейстер ҳамон сафимизда — Нодирбек Абдусатторов ҳамда Жавоҳир Синдоров. Бундан ташқари 2020 йилда катталар ўртасида Бутунжаҳон шахмат Олимпиадаси бўлиб ўтади. Унга ҳозирдан тайёргарликлар бошланган.
Ёш гроссмейстерларда юлдузлик касали ҳақида
— Бахтимизга ҳозирча бундай ҳолат кузатилгани йўқ. Биз уларни ҳар жиҳатдан назорат қилиб боришга ҳаракат қиламиз. Жумладан, уларнинг руҳий ҳолатида ўзгариш юз беряптими ёки йўқ шуларни кузатиб борамиз. Мен ҳозирги терма жамоанинг ёш аъзоларига доимо Рустам Қосимжоновни намуна қилиб кўрсатаман. У ҳеч қачон ҳатто Жаҳон чемпионига айланган ҳолатда ҳам юлдузлик касалига чалинмаган. У ёшлар учун ҳақийий намуна.
Саидали Йўлдошев, Ўзбекистон терма жамоаси бош мураббийи, гроссмейстер
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)