Россиянинг Екатеринбург шаҳрида ўтказилаётган бокс бўйича Жаҳон чемпионати навбатдаги кунида яна бир ўзбекистонлик боксчи илк жангини ўтказди.
-69 килограмм вазн тоифасида ҳаракат қилаётган Бобоусмон Ботуров аргентиналик Агустин Аррегуига қарши рингга кўтарилди. Мазкур жангда ўзбекистонлик боксчи қийинчилик билан рақибидан устун келди.
Бу Ботуров учун жаҳон чемпионатлари доирасидаги илк жанг бўлди. Бобоусмон кейинги босқичда Жанлуижи Маланга (Италия) ва Деланте Ёнсон (АҚШ) жуфтлиги ғолибига қарши рингга кўтарилади.
Эслатиб ўтамиз, бугун яна бир ўзбекистонлик боксчи Фанат Қаҳрамонов (-75 кг) бразилиялик Эберт Консесаога қарши баҳс олиб боради.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)