«Ювентус» ҳужумчиси Криштиану Роналду ITV телеканалига интервью берди. Криштиануга марҳум отаси ўғлидан фахрланишини айтган видеони қўйиб беришди, шундан кейин футболчи кўз ёшларини тийиб тура олмади.
«Бу қадар жиддий интервью бўлишни кутмаган эдим, албатта, йиғлайман деб ўйламагандим. Бу видеони ҳеч қачон кўрмаганман. Буни қаердан олганингизни ҳам билмайман... Булар менда бўлиши керак эди.
Мен отамни юз фоиз билмаганман. У ичкиликка ружу қўйганди. У билан ҳеч қачон дилдан суҳбат қурмаганман. Бу жуда қийин», — дейди Роналду.
Роналдунинг отаси Жозе Динис Авейро 52 ёшида жигар етишмовчилигидан вафот этган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)