Rossiyaning Yekaterinburg shahrida o‘tkazilayotgan boks bo‘yicha Jahon chempionati navbatdagi kunida yana bir o‘zbekistonlik bokschi ilk jangini o‘tkazdi.
-69 kilogramm vazn toifasida harakat qilayotgan Bobousmon Boturov argentinalik Agustin Arreguiga qarshi ringga ko‘tarildi. Mazkur jangda o‘zbekistonlik bokschi qiyinchilik bilan raqibidan ustun keldi.
Bu Boturov uchun jahon chempionatlari doirasidagi ilk jang bo‘ldi. Bobousmon keyingi bosqichda Janluiji Malanga (Italiya) va Delante Yonson (AQSh) juftligi g‘olibiga qarshi ringga ko‘tariladi.
Eslatib o‘tamiz, bugun yana bir o‘zbekistonlik bokschi Fanat Qahramonov (-75 kg) braziliyalik Ebert Konsesaoga qarshi bahs olib boradi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)