Тошкент вилоятида темир йўл кесишмаларига яқин жойлашган 38 та корхона, 12 та ташкилот, 47 ўқув муассасаси ва 31 маҳаллада профилактик суҳбатлар ўтказилиб, бундай манзиллардан ўтиш қоидалари бўйича тушунтиришлар берилди. Бу ҳақда «Дарё»га Тошкент вилояти ИИББ ЙҲХБ матбуот бўлинмаси маълум қилди.
Шунингдек, темир йўл кесишмаларига ЙҲХБ ходимлари бириктирилиб, уларнинг ҳолати кўрикдан ўтказилди. Кўрик давомида аниқланган ҳаракат хавфсизлигига раҳна солувчи камчиликларни бартараф қилиш юзасидан тегишли ташкилотларга тақдимномалар киритилди. Темир йўл кесишмаларидан электропоездларни ўтиш вақтида ҳаракат хавфсизлиги таъминлаш ишлари олиб борилди.
Тадбирлар давомида биргина 13 сентябрь куни темир йўл кесишмасидан ўтиш қоидаларини бузган 114 нафар ҳайдовчига нисбатан маъмурий баённома расмийлаштирилди.
Уларга нисбатан МЖТКнинг 130-моддаси 1-қисмига асосан энг кам иш ҳақининг 3 баравари (669 минг сўм) миқдорида, жами 76 миллион 266 минг сўмлик жарималар белгиланди.
Изоҳ (0)