«Буюк келажак» халқаро нодавлат-нотижорат ташкилотининг ўн нафар эксперти ташкилот ичида юзага келган айрим муаммолар сабаб ташкилотни тарк этишини маълум қилди. Бу ҳақда улар ташкилотнинг Facebook’даги саҳифасида ёзиб қолдирган.
Қадрли дўстлар, ‘Буюк келажак’ халқаро нодавлат-нотижорат ташкилоти ташкил этилганда биз Ўзбекистондаги ислоҳотларга ўз ҳиссамизни қўшишимиз учун имкон яратилганидан хурсанд бўлгандик. Барчамиз Ўзбекистонни 2035 йилгача ривожлантириш концепциясини яратиш бўйича бир қатор лойиҳаларда иштирок этдик, ишлаб чиқдик, Биз ‘Буюк келажак’ халқаро нодавлат-нотижорат ташкилотининг (ХННТ) иккита форумида ва бошқа кўплаб, тадбирларда онлайн равишда ва шахсан иштирок этдик.Эслатиб ўтамиз, «Буюк келажак» ХННТ Ўзбекистонда амалга оширилаётган ислоҳотларни қўллаб-қувватлаш ва уларга кўмаклашиш билан шуғулланади. Ташкилот 2035 йилгача Ўзбекистоннинг ривожланиш концепциясини ишлаб чиқиш мақсадида Президент Шавкат Мирзиёев ташаббуси билан 2018 йилнинг апрель ойида ташкил этилган.Минг афсус билан ташкилот ичидаги айрим сабабларга кўра, биз мазкур ташкилот доирасидан чиқамиз, аммо мамлакат тараққиёти учун ўз ҳиссамизни қўшишда давом этамиз.
Имкониятдан фойдаланиб, ‘Буюк келажак’ ХННТ экспертлари ва ходимларига, халқаро ташкилотлар, вазирлик ва қўмиталар вакилларига ҳамда Ўзбекистон Президенти Администрацияси ходимларига миннатдорчилик билдирамиз.
Ҳурмат билан,
Беҳзод Ҳошимов
Дилмурод Юсупов
Зайнаб Муҳаммад-Дўст
Қаҳрамон Носиров
Нодир Нуритдинов
Баҳром Ражабов
Тоштемир Ҳайдаров
Умид Абидхўжаев
Ҳасан Ражабоев
Шукуржон Назаров.
Изоҳ (0)