Ахборот ва оммавий коммуникациялар агентлигида Ўзбекистон Иқтисодиёт ва саноат вазирлиги ҳамда «Ўзбекипаксаноати» раҳбарлари иштирокида «Республикада ипакчилик тармоғини янада ривожлантириш чора-тадбирлари тўғрисида»ги Президент қарори ижроси юзасидан матбуот анжумани бўлиб ўтди.
Қарорга мувофиқ, 2018—2021 йилларда пилла тайёрлаш ва уни қайта ишлаш негизида юқори қўшилган қийматли, экспортга мўлжалланган тайёр маҳсулотлар ишлаб чиқариш бўйича инвестиция лойиҳалари ишлаб чиқилган.
Пилла маҳсулотларини экспорт қилиш бўйича кўрсаткичлар йилдан йилга ўсиб бормоқда. Хусусан, 2018 йилда 71,1 миллион АҚШ доллари қийматида пиллачилик маҳсулоти экспорт қилинган бўлса, жорий йилда бу кўрсаткични йил сўнггига қадар 70 миллион АҚШ долларига ошириш режалаштирилган. Шунингдек, мамлакатимизда ипак қуртини боқиш ва етиштиришда сифат даражаси пасайиб кетганлиги сабаб, биз чет давлатлардан ўтган йили 84 минг қути ипак қуртини импорт қилган бўлсак, бу йил 150 минг қути келтирилди. Қарорда белгиланган вазифалардан келиб чиқиб, 2022 йилда сифатли ипак қуртини етиштиришни тўлиқ маҳаллайлиштириб, Ўзбекистондан чет давлатларга ипак қуртини экспорт қилишни мақсад қилганмиз.Тадбир давомида, журналистлар томонидан мутасаддиларга ипак қуртини боқишда сифат даражасини сақлаб қолиш мақсадида хонадонлардан қуртхоналар тизимига қачон ўтилиши борасида савол берилди.Шуҳрат Абдулазизов, «Ўзбекипаксаноат» бошқарма бошлиғи
Ҳозирда тут плантациялари ёнида қуртхоналар ташкиллаштирилиш жадал йўлга қўйилган. Бундан ташқари, Япония билан ипакчилик илмий тадқиқот институти ўртасида бу борада ҳамкорлик лойиҳалари устида иш олиб борилмоқда. Бироқ биз масалага бир томонлама ёндошмаслигимиз зарур. Пиллачилик билан бир неча йиллардан буён шуғулланиб келаётган, бу соҳа уларга даромад манбаси бўлган оилалар бор. Шундан келиб чиққан ҳолда ҳам, яқин йиллар ичида қуртхона тизимига ўтиш ҳақида аниқ гап айтолмаймиз.«Ўзбекипаксаноат» мутасаддиларининг таъкидлашича, мамлакатда тут навлари ва ипак қуртини етиштириш сифати тобора яхшиланиб бормоқда.Сайфиддин Валиев, Пиллачилик илмий тадқиқот институти директори
«Жорий йилда ипакчилик сифати ва етиштириш миқдори бўйича Ўзбекистон дунё рейтингида 3-ўринни эгаллаган», — дейди «Ўзбекипаксаноат» уюшмаси ахборот хизмати раҳбари Дилшод Истамов.
Изоҳ (0)