Подполковник Дилмурод Мирсодиқов Тошкент шаҳар ИИББ Тергов бошқармаси бошлиғи ўринбосари этиб тайинланди, дея хабар бермоқда Тошкент шаҳар ИИББ матбуот хизмати.
Дилмурод Мирсодиқов 1979 йили Тошкент шаҳрида туғилган. 2000 йили Ўзбекистон ИИВ Академиясини тамомлаган. Ички ишлар органларидаги фаолиятини 2000 йили Шайхонтоҳур тумани ИИБ Тергов бўлими терговчиси сифатида бошлаган. 2010 йилга қадар Шайхонтоҳур тумани ИИБ ва Тошкент шаҳар ИИББнинг тергов бўлинмаларида турли лавозимларида ишлаган.
2010—2014 йилларда Ўзбекистон ИИВ Бош тергов бошқармаси (ҳозирги Тергов департаменти)да бўлим бошлиғи сифатида, 2014—2019 йилларда эса Тошкент шаҳар ИИББ Тергов бошқармасида турли лавозимларда ишлаган. 2019 йил августидан бери Олмазор тумани Ички ишлар органлари (ИИО) фаолиятини мувофиқлаштириш бошқармаси (ФМБ) бошлиғи ўринбосари — тергов бўлинмаларини таҳлил қилиш бўлими бошлиғи сифатида меҳнат қилиб келаётган эди.
Подполковник Аҳмаджон Фозилов Тошкент шаҳар ИИББнинг Молиявий ва моддий-техникавий таъминоти бошлиғи ўринбосари — моддий-техник ва хўжалик хизмати бошлиғи этиб тайинланди.
Аҳмаджон Фозилов 1970 йили Тошкент шаҳрида туғилган. 2008 йили Тошкент давлат педагогика университетини тамомлаган. Ички ишлар органларидаги фаолиятини 1996 йили Тошкент метрополитенини қўриқлаш бўйича ИИБнинг саф бўлинмалари баталёни ходими сифатида бошлаган.
2016 йилга қадар Тошкент метрополитенининг Ички ишлар бошқармаси ва Тошкент шаҳар ИИББнинг Патрул-пост хизмати ва жамоат тартибини сақлаш бошқармасида турли лавозимларда ишлаган. 2016—2018 йилларда Олмазор тумани ИИБ бошлиғи ўринбосари — жамоат тартибини сақлаш хизмати бошлиғи, 2018—2019 йилларда эса Олмазор тумани ИИО ФМБ бошлиғи ўринбосари сифатида меҳнат қилган. 2019 йилнинг январидан августга қадар Олмазор тумани ИИО ФМБ бошлиғининг жамоат тартибини сақлаш бўйича ўринбосари сифатида ишлаб келаётган эди.
Изоҳ (0)