Молия вазирлиги Тошкент вилояти мисолида илк бор «Фуқаролар учун бюджет» ахборот нашрини тақдим этди.
Унда Тошкент вилояти бюджетининг асосий даромад манбалари ва уларнинг таркиби, айрим солиқ ва носолиқ даромадларнинг маҳаллий бюджетдаги роли, йирик солиқ тўловчилар ва уларнинг вилоят бюджети даромадларидаги ҳиссалари тўғрисидаги маълумотлар келтирилган.
Ахборот нашрида Тошкент вилоятида йиғиладиган солиқларни, республика бюджетидан ажратиладиган ижтимоий трансфертларнинг қандай тақсимланиши, қайси бюджет ташкилотлари вилоят бюджетидан ва қайсилари туман, шаҳар бюджетларидан молиялаштирилишини кўриш имконияти мавжуд.
Даромадлар
2019 йилда жисмоний шахслардан олинадиган даромад солиғи бўйича норматив 77 фоизга тасдиқланди. Бу Тошкент вилояти ҳудудида тўпланган жисмоний шахслардан олинадиган даромад солиғининг 77 фоизи вилоят бюджетига, 23 фоизи эса республика бюджетига, 20 фоизи ҚҚС бўйича вилоят бюджетига тушишини англатади. Юридик шахслардан олинадиган фойда солиғи республика бюджетига тўлиқ ўтказилади.
2019 йилда вилоят бюджети даромадлари 3 169,0 миллиард сўмни ташкил этади. Даромадларнинг деярли учдан икки қисми жисмоний шахслардан олинадиган даромад солиғи, ҚҚС ва акцизлар ҳисобига олинади.
Ушбу солиқлар 2019 йилда Тошкент вилояти бюджети даромадларининг асосий ўсишини таъминлайди. Даромадларда ЖШДС, ҚҚС ва акцизлар тушиши улуши 2018 йилда 25,3 фоизни ташкил этган, 2019 йилда эса ушбу солиқлар тушумлари вилоят бюджети умумий даромадларининг 63,7 фоизини ташкил этиши кутилмоқда.
Йирик солиқ тўловчилардан тушумлар
Олмалиқ шаҳри Тошкент вилоятининг туманлар ва шаҳарлар орасида энг йирик ва ўзини ўзи таъминлайдиган шаҳар ҳисобланади. 2019 йилги прогнозга кўра солиқлар (унинг ҳудудида тўпланган солиқлар) контингенти 2 415,3 миллиард сўмни ташкил этади.
Ажратмаларнинг тасдиқланган нормативларига мувофиқ шаҳар бюджетига 27,1 миллиард сўм ёки Олмалиқ шаҳри ҳудудида тўпланган солиқларнинг 1 фоизи тушади. Пскент тумани солиқлар қайта тақсимланишидан энг кўп маблағ олади.
2019 йилги прогнозга кўра ушбу туман бюджетига 45,3 миллиард сўм ёки туман ҳудудида тўпланган солиқларнинг 46 фоизи қайта тақсимланади.
Изоҳ (0)