Самарқандлик таниқли тадбиркор, «Умар» қурилиш компанияси раҳбари, халқ орасида Умар номини олган Олим Ражабов суд ҳукмига кўра 11 йилга озодликдан маҳрум этилди. «Дарё» мухбири Фарҳод Норбўтаевнинг хабар беришича, ушбу жиноят иши жиноят ишлари бўйича Самарқанд шаҳар суди судьяси Зарифа Аҳмедова раислигида кўриб чиқилган.
Жиноят ишлари бўйича Самарқанд шаҳар судида 4 сентябрь куни судланувчилар 1963 йилда туғилган, муқаддам судланган Олим Ражабов, 1988 йилда туғилган, муқаддам судланган Руслан Ражабов, 1973 йилда туғилган, Шавкат Аблақулов, 1964 йилда туғилган, муқаддам судланган Миралам Адилов, 1968 йилда туғилган, муқаддам судланган Файзулло Файзиевга нисбатан жиноят иши бўйича суд ҳукми эълон қилинган.
Суд ҳукмига кўра, тадбиркор Олим Ражабов Жиноят кодексининг 168-моддаси (фирибгарлик) 4-қисми «а», «в» бандлари, 189-моддаси (савдо ёки хизмат кўрсатиш қоидаларини бузиш) 1-қисми, 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) 2-қисми «а», «б» бандлари ва 243-моддаси (жиноий фаолиятдан олинган даромадларни легаллаштириш)да назарда тутилган жиноятларни содир этганликда айбли деб топилган.
Унга узил-кесил ўташ учун 11 йил муддатга озодликдан маҳрум қилиш жазоси тайинланди. Тайинланган жазони умумий тартибли колонияларда ўташ белгиланди.
Олим Ражабовнинг ўғли Руслан Ражабов ЖКнинг 168-моддаси (фирибгарлик) 4-қисми «а», «в» бандлари, 189-моддаси (савдо ёки хизмат кўрсатиш қоидаларини бузиш) 1-қисми, 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) 2-қисми «а», «б» бандлари ва 243-моддаси (жиноий фаолиятдан олинган даромадларни легаллаштириш)да назарда тутилган жиноятларни содир этганликда айбли деб топилган.
Унга узил-кесил ўташ учун 8 йил 6 ой муддатга озодликдан маҳрум қилиш жазоси тайинланди. Тайинланган жазони умумий тартибли колонияларда ўташ белгиланди.
Шавкат Аблақулов ЖКнинг 168-моддаси (фирибгарлик) 4-қисми «а», «в» бандлари, 189-моддаси (савдо ёки хизмат кўрсатиш қоидаларини бузиш) 1-қисми, 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) 2-қисми «а», «б» бандлари ва 243-моддаси (жиноий фаолиятдан олинган даромадларни легаллаштириш)да назарда тутилган жиноятларни содир этганликда айбли деб топилган.
Унга узил-кесил ўташ учун 10 йил муддатга озодликдан маҳрум қилиш жазоси тайинланди. Тайинланган жазони умумий тартибли колонияларда ўташ белгиланди.
Миралам Адилов ЖКнинг 168-моддаси (фирибгарлик) 4-қисми «а», «в» бандлари, 189-моддаси (савдо ёки хизмат кўрсатиш қоидаларини бузиш) 1-қисми, 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) 2-қисми «а», «б» бандлари ва 243-моддаси (жиноий фаолиятдан олинган даромадларни легаллаштириш)да назарда тутилган жиноятларни содир этганликда айбли деб топилган.
Унга узил-кесил ўташ учун 9 йил муддатга озодликдан маҳрум қилиш жазоси тайинланди. Тайинланган жазони қаттиқ тартибли колонияларда ўташ белгиланди.
Файзулло Файзиев ЖКнинг 168-моддаси (фирибгарлик) 4-қисми «а», «в» бандлари, 189-моддаси (савдо ёки хизмат кўрсатиш қоидаларини бузиш) 1-қисми, 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) 2-қисми «а», «б» бандлари ва 243-моддаси (жиноий фаолиятдан олинган даромадларни легаллаштириш)да назарда тутилган жиноятларни содир этганликда айбли деб топилган.
Унга узил-кесил ўташ учун 7 йил муддатга озодликдан маҳрум қилиш жазоси тайинланди. Тайинланган жазони умумий тартибли колонияларда ўташ белгиланди.
Жабрланувчиларга етказилган моддий зарар судланувчилардан солидар тартибда ундирилиши белгиланган.
Жиноят ишлари бўйича Самарқанд шаҳар судининг судьяси Зарифа Аҳмедованинг «Дарё» мухбири Фарҳод Норбўтаевга маълум қилишича, суд ҳукми ҳали қонуний кучга кирмаган. Шу сабабли суд тафсилотлари билан боғлиқ маълумотни ҳукм қонуни кучга кирмагунча ошкор қилмасликни маълум қилган. Интернет сайтларида чиққан маълумотни Олий суд ахборот хизмати тақдим этганлигини маълум қилган.
Суд ҳукмидан сўнг Умар Ражабов ва судда иштирок этган даъвогар фуқаролар ўртасида қисқача суҳбат бўлиб ўтган.
Мен охирги нафасим қолгунча курашаман. Мен уйларингизни қуриб бераман. Гап битта. Ҳаммаларинг бир бўлинглар. Яқинда чиқамиз.Умар Ражабов
Шу ўринда судда даъвогар сифатида қатнашган фуқаролар ҳам ўз фикрларини билдириб ўтган.
Бунинг ҳаммаси туҳмат. Бизнинг гапларимиз Президентга етиб борсин. Судда адолат бўлсин. Муҳтарам Президентимиз Ўзбекистонда энг катта хавф бу кадрларнинг савиясида, билимида, илмида, фидойилигида деб айтди. Бизда «орган» соҳасида ана шу «системалар» йўқ. Халқ бу ҳукмдан норози. Қолаверса, айбланувчи уйни қуриб беришини бўйнига оляпти. 2500 нафар аҳоли қаерга боради. 2018 йилда Самарқанд шаҳрида Инсон ҳуқуқлари бўйича Осиё форуми бўлиб ўтди ва унда Инсон ҳуқуқлари бўйича Самарқанд декларацияси қабул қилинди. Бу бутун дунёга катта шов-шувга сабаб бўлса-ю, биз самарқандликларнинг ҳуқуқини ҳеч ким ҳимоя қилмаса.Судда иштирок этган даъвогар фуқаролар
Маълумотларга кўра, Умар Ражабовнинг суди тугаб, узоқ муддатли қамоқ жазолари берилган кунда Самарқанд вилоят прокуратураси томонидан тадбиркорга оид яна иккита жиноий ишни судга ўтказди. Уларнинг бирида 400 нафардан ортиқ фуқароларнинг даъволари киритилганлиги айтилмоқда.
Эслатиб ўтамиз, «Умар» қурилиш компанияси қурган уйлар атрофидаги можаролар 2 йилдан буён давом этаётган эди. Тадбиркорга рухсатнома олмасдан туриб уй-жойлар қуришни бошлагани ва бўлажак харидорлардан 900 миллион сўмдан ортиқ нақд пул маблағ йиғиб олганлик бўйича айблов қўйилган. Мазкур айблов сабаб Умар Ражабов ва унинг ҳамкорлари ЖКнинг 168-моддаси 3, 4-бандларида (фирибгарлик) кўзда тутилган жиноятда айбланиб 2019 йилнинг февраль ойида ҳибсга олинганди.
Изоҳ (0)