Ўзбекистонда ҳарбий хизматга чақирув бўйича янги тартиблар жорий этилди

Президент томонидан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисидаги қонун имзоланди.

Қонун билан 10 дан ортиқ қонунларга ўзгартириш ва қўшимчалар киритилди.

Қонунга киритилган ўзгартиришларга кўра, эндиликда муддатли ҳарбий хизмат муддати календарь ҳисобида 12 ой қилиб белгиланди, (ҳозирга қадар оддий аскарлар ва сержантлар таркиби лавозимидаги хизматчилар учун — 12 ой (олий маълумотли шахслар учун 9 ой); чақирув бўйича офицерлар таркиби лавозимларида ўтаётган офицерлар учун 9 ой).

Шунингдек, эндиликда фуқароларни чақирув участкаларида қайд этиш улар умумтаълим мактабидаги ёки ўрта махсус таълим муассасасидаги охирги ўқиш йилининг апрель — май ойларида амалга оширилади (ҳозирга қадар улар 16 ёшга тўлган йили апрель— июнь ойларида амалга оширилиб келган).

«Умумий ҳарбий мажбурият ва ҳарбий хизмат тўғрисида»ги қонун