«Тошшаҳартрансхизмат» АЖ электробус олиб келингани ҳақидаги маълумотга изоҳ берди.
«Тошшаҳартрансхизмат» АЖ ва «Беларуснинг «Белкоммунмаш» компанияси ўртасидаги ўзаро меморандумга асосан пойтахт жамоат транспорти ҳаракати таркибида электробусларни синов тариқасида юргизиш режалаштирилган эди.
Шунга мувофиқ бир дона ана шу турдаги транспорт воситаси Тошкент шаҳрига келтирилди.
Бунга қадар эса «Тошшаҳартрансхизмат» АЖ томонидан электробусни йўналишга чиқариш билан боғлиқ ташкилий ишлар амалга оширилди. Хусусан, 2 та жойда электробусни қувватлаш шохобчаси ўрнатилди.
«Яқин кунларда электробусни қисқа масофали йўналишлардан бирига бириктириш режелаштирилмоқда. Махсус комиссия ушбу электробус билан боғлиқ барча ҳолатларни тўлиқ ўрганиб чиқади. Хусусан, Ўзбекистоннинг иссиқ иқлимида электробуснинг ҳаракатланиш имкониятлари, йўловчилар соғлиғига унинг таъсири ва бошқа жиҳатлар атрофлича таҳлил қилинади», — дейилади хабарда.
Эслатиб ўтамиз, аввалроқ Тошкентга Беларуснинг футуристик электробуси олиб келингани ҳақида хабар берилган эди.
Изоҳ (0)