Туркманистон шарқидаги Лебап вилоятининг Туркманобод шаҳри дўконларида 1 сентябрдан номаълум сабабларга кўра сотувда маҳаллий ун йўқолиб қолди.
Шу билан бирга, нон нархи икки баравар ошди. Масалан, хусусий дўконлардаги олдин 2—3 манат турган энг арзон кулча нонлар энди 4—5 манатдан сотилмоқда.
Давлат дўконларидаги нархлар аввалгидек — буханкаси учун 0,6 манат даражасида қолган, бироқ улар ҳаммага ҳам етаётгани йўқ.
Июль ойи бошида расмий ОАВ мамлакатда буғдой режаси 1,6 миллион тонна этиб бажарилганини билдирган, бироқ норасмий манбаларга кўра, бу кўрсаткич аслида 845 минг тоннадан ошмаган.
Изоҳ (0)