iOS’га уюштирилган хакерлик ҳужуми уйғурларни назорат қилиш учун амалга оширилгани маълум бўлди

iPhone’ларга амалга оширилган тарихдаги энг йирик хакерлик ҳужуми ортида Хитой ҳукумати тургани маълум бўлди, дея хабар беради Meduza.

Хитой ҳукумати бу орқали мусулмон уйғурларнинг мобил қурилмалари устидан назорат ўрнатишга ҳаракат қилган.

TechCrunch нашрининг таъкидлашича, уйғурларга қаратилган ҳужумнинг нотўғрилига қарамай, бошқа минтақадаги фойдаланувчилар ҳам Google томонидан тақдим этилган зарарланган сайтга кириб хакерлар қурбонига айланиши мумкин бўлган. Хакерлар ҳужумини чеклаш мақсадида ФҚБ Google’дан ушбу сайтларга бериладиган ҳаволаларни ўчириб қўйишни сўраган.

Forbes манбаси ҳужумлар ортида Хитой ҳукумати турганлиги ҳақидаги TechCrunch’нинг маълумотини тасдиқлаган. Шунингдек, нашрнинг қайд этишича, ҳужум анча кенг кўламли бўлиши кутилган — хакерларнинг мақсадида нафақат iOS қурилмалари, балки Android ва Windows’лар ҳам бўлган. Хакерлар зарарли дастурий таъминотни Шинжон-Уйғур автоном ҳудуди аҳолиси қайси операцион тизимни маъқул кўришига қараб оптималлаштирган.

Google ҳозирча вазиятга изоҳ бермади, Microsoft эса муаммони ўрганаётгани ва зарур ҳолатда чора кўришга тайёр эканлигини билдирган.