АҚШ Молия вазирлигининг Хорижий активлар устидан назорат бошқармаси (Office of Foreign Assets Control, OFAC) икки нафар тайванлик фуқаро, Тайван ва Гонконгда фаолият олиб борувчи учта юридик шахс ҳамда бир кема Шимолий Кореяга нисбатан санкцияларни бузгани учун қора рўйхатга киритилганини маълум қилди. Бу ҳақда «Коммерсант» хабар бермоқда.
«Молия вазирлиги ноқонуний ташишга алоқадор алоҳида шахслар, ташкилотлар ва кемаларнинг амалдаги АҚШ ва БМТ санкцияларига риоя этишини назорат қилади ва таъминлайди», — деб таъкидланган вазирлик баёнотида.
Санкциялар фуқаролар Хуанг Ван Кен ва Чен Мей Сян, шунингдек, Jui Pang Shipping Co Ltd, Jui Zong Ship Management Co Ltd, Jui Cheng Shipping Company Limited компаниялари ва Shang Yuan Bao кемасига татбиқ этилган.
Аввалроқ Шимолий Корея яна ракета парвозларини амалга оширган эди. Расмий Сеул ва Вашингтон КХДРнинг бу ҳаракатини БМТ Хавфсизлик кенгаши резолюцияларининг бузилиши деб баҳолаган эди. Пхенян эса бу АҚШ ва Жанубий Кореянинг давом этаётган биргаликдаги ҳарбий машғулотларига жавоб муносабати эканини таъкидламоқда.
Изоҳ (0)