Оренбург вилоятининг фуқароси марҳумнинг шахсини текшириш учун унинг қабрини қазиб очди, бу ҳақда Бошқирдистон Ички ишлар вазирлиги матбуот хизматининг маълумотига таяниб «РИА Новости» хабар берди.
Ҳодиса 23 август куни Бошқирдистоннинг Мелеуз шаҳридаги қабристонда юз берди. 2017 йилда Оренбургнинг Орск шаҳрида автоҳалокатда вафот этган қизнинг онаси полицияга мурожаат қилди. Унинг сўзларига кўра, кимдир қизининг қабрини очган. Жиноят содир этганликда гумон қилинаётган шахс ҳуқуқ-тартибот идоралари томонидан Оренбург вилоятида ҳибсга олинган.
Нашрда таъкидланишича, 32 ёшли оренбурглик эркак илгари қабрга кўмилган аёл билан таниш бўлган. Аёл 2017 йилда Орск шаҳрида бахтсиз ҳодиса натижасида вафот этган. Эркак унинг бу ерга кўмилганига ишонмаган ва буни шахсан текшириш учун қабрни очишга қарор қилган», — дейди Бошқирдистон полицияси.
Ҳозирда ушбу ҳолат юзасидан ҳуқуқни муҳофаза қилиш органлари марҳумларнинг жасадлари ва уларнинг дафн этилган жойларини таҳқирлаш моддаси бўйича иш қўзғатди.
Изоҳ (0)