Марказий банк валюта бозорида нейтраллик тамойили асосида иштирок этмоқда. Бу ҳақда Марказий банк раиси Мамаризо Нормуродов журналистлар билан бўлиб ўтган очиқ мулоқотда айтиб ўтди, дея хабар бермоқда «Дарё» мухбири Мусулмонбек Иброҳимов.
Нормуродовнинг айтишича, валюта курсини белгилашда Марказий банкнинг ҳеч қандай таъсири йўқ. Яъни Марказий банк иқтисодиётдан қанча валюта сотиб олса, яна шунча иқтисодиётга олиб чиқмоқда.
«Буни расмий сайтимизда олтин валюта захиралари ҳақида чиқарилаётган маълумотлардан ҳам билиб олиш мумкин. Марказий банк олтин валюта захирасида сезиларли даражада кўпайиш ҳам, камайиш ҳам йўқ. Бу дегани Марказий банк нейтраллик тамойили асосида валюта бозоридаги иштирокини таъминлаб келмоқда», — деди Марказий банк раҳбари.
Олдинроқ Марказий банк бундан кейин валюта сотиш ва сотиб олиш нархларини белгиламаслиги маълум қилинган эди.
Изоҳ (0)