Ўзбекистон Республикаси Президенти ҳузурида жорий йилнинг 2 август куни ўтказилган видеоселектор йиғилишида тижорат банкларига юклатилган топшириқлар ижросини таъминлаш мақсадида акциядорлик тижорат «Қишлоқ қурилиш банк» бошқаруви раҳбарлари жойларда аҳоли ва тадбиркорлар билан сайёр учрашувлар ўтказмоқда.
Банк бошқаруви раиси Баҳодир Муллахонов Жиззах вилоятида, Фарғона вилоятининг Марғилон, Қўқон, Фарғона шаҳарларида, Қува туманида ва Тошкент шаҳрида ташкил қилинган ана шундай сайёр учрашувларда қатнашди.
Банк бошқаруви раиси ўринбосари Алишер Муротов иштирокидаги тадбирлар Сирдарё вилоятининг Янгиер, Гулистон шаҳарларида, Самарқанд вилоятининг Каттақўрғон ва Самарқанд шаҳарларида, Бекобод шаҳрида бўлиб ўтди.
Банк бошқаруви раиси ўринбосари Фарҳод Ғофуров Қорақалпоғистон Республикасининг Беруний туманида, Нукус шаҳрида, Хоразм вилоятининг Хива, Хонқа туманларида, Урганч шаҳрида, Бухоро шаҳрида, Навоий вилоятининг Конимех туманида ва Навоий шаҳрида тадбиркорлар ва аҳоли вакиллари билан мулоқот қилди.
Сайёр учрашувларда 2000 га яқин иштирокчи қатнашди. Банк бошқаруви раҳбарияти томонидан юзлаб мурожаатлар сайёр учрашув давомида кўриб чиқилди. Аҳоли ва тадбиркорларнинг кўплаб мурожаатлари тадбирлар давомида ўз ечимини топди.
Шунингдек, сайёр учрашувларда «Ҳар бир оила – тадбиркор» давлат дастури доирасида имтиёзли кредитлар ажратишнинг тартиблари, тадбиркорлар учун банкда мавжуд хорижий кредит линиялари, истеъмол ва ипотека кредитлари, қўйингки, аҳоли ва тадбиркорларни қизиқтирган барча масалалар бўйича тушунтиришлар берилди.
Очиқ мулоқот руҳида ўтган тадбирларда тадбиркорлар ўз фаолиятига халал бераётган муаммоларни билдирдилар ва кўплаб таклифлар ўртага ташланди. Ҳудудларни ижтимоий-иқтисодий ривожлантиришга қаратилган бизнес лойиҳаларга сармоя ажратиш муҳокамалар марказида бўлди. Экспорт қилувчи корхоналарни молиявий қўллаб-қувватлаш бўйича аниқ чора-тадбирлар белгиланди.
«Қишлоқ қурилиш банк» вакиллари сайёр учрашувлар доирасида ҳудудлардаги қатор кичик бизнес субъектларида ҳам бўлиб, тадбиркорларнинг ишлаб чиқариш қувватларини технологик янгилаш, экспортни оширишга ва қўшимча иш ўринлари ташкил этишга қаратилган бизнес лойиҳаларини молиялашга келишилди.Сайёр учрашувлар республиканинг бошқа ҳудудларида ҳам давом этмоқда.
«Қишлоқ қурилиш банк» — фаровон ҳаётингиз хизматида!
Мурожаат учун:
Телефонлар: (+99878) 150-93-39, 150-39-93
Веб-сайт: www.qqb.uz
Telegram: ҳттпс://т.ме/ҚҚБАНК
Facebook: FB.com/official.ққб.уз
Банк ахборот хизмати
Реклама ҳуқуқи асосида.
Изоҳ (0)