«Микрокредитбанк» АТБ раҳбарияти томонидан мамлакатимиз ҳудудларида фаолият юритаётган кичик бизнес ва тадбиркорлик субъектлари билан сайёр учрашувлар давом этмоқда. Банк бошқаруви раиси ўринбосари Т.Атамуродов раҳбарлигида жорий йилнинг 16 август куни Фарғона вилоятининг Фарғона ва Қўқон шаҳарларида тадбиркорлар билан учрашувлар ташкил этилди.
Мулоқотлар давомида Президентимиз томонидан қабул қилинган янги фармон ва қарорлар, банк тизими олдига қўйилаётган устувор вазифалар, кичик бизнес ва тадбиркорлик субъэктларининг ҳуқуқ ва манфаатларини ҳимоя қилиш, уларнинг муаммоларини бевосита жойида ўрганиш ва мавжуд камчиликларни бартараф этиш борасида амалга оширилиши лозим бўлган тадбирларга алоҳида тўхталиб ўтилди.
Шунингдек, тадбиркорларга янада қулайлик яратиш мақсадида банк томонидан ташкил этилаётган банк хизматлари марказлари, янги банк хизматлари (МКБ мобайл, мобил банк, онлайн кредитлар), шунингдек, хорижий кредит линиялари борасида ҳам тушунчалар берилди.
Сайёр учрашувда 100 яқин кичик бизнес ва тадбиркорлик субъектлари иштирок этди. Учрашувда тадбиркорларни қийнаб келаётган муаммолар ва ечимини кутаётган масалалар батафсил ўрганилиб, уларнинг аксарияти жойида ҳал этилди.
Банк раҳбарияти томонидан тадбиркорлар билан сайёр учрашувлар республиканинг бошқа ҳудудларида ҳам ўтказилмоқда.
Реклама ҳуқуқи асосида
Изоҳ (0)