O‘zbekiston Respublikasi Prezidenti huzurida joriy yilning 2-avgust kuni o‘tkazilgan videoselektor yig‘ilishida tijorat banklariga yuklatilgan topshiriqlar ijrosini ta’minlash maqsadida aksiyadorlik tijorat “Qishloq qurilish bank” boshqaruvi rahbarlari joylarda aholi va tadbirkorlar bilan sayyor uchrashuvlar o‘tkazmoqda.
Bank boshqaruvi raisi Bahodir Mullaxonov Jizzax viloyatida, Farg‘ona viloyatining Marg‘ilon, Qo‘qon, Farg‘ona shaharlarida, Quva tumanida va Toshkent shahrida tashkil qilingan ana shunday sayyor uchrashuvlarda qatnashdi.
Bank boshqaruvi raisi o‘rinbosari Alisher Murotov ishtirokidagi tadbirlar Sirdaryo viloyatining Yangiyer, Guliston shaharlarida, Samarqand viloyatining Kattaqo‘rg‘on va Samarqand shaharlarida, Bekobod shahrida bo‘lib o‘tdi.
Bank boshqaruvi raisi o‘rinbosari Farhod G‘ofurov Qoraqalpog‘iston Respublikasining Beruniy tumanida, Nukus shahrida, Xorazm viloyatining Xiva, Xonqa tumanlarida, Urganch shahrida, Buxoro shahrida, Navoiy viloyatining Konimex tumanida va Navoiy shahrida tadbirkorlar va aholi vakillari bilan muloqot qildi.
Sayyor uchrashuvlarda 2000 ga yaqin ishtirokchi qatnashdi. Bank boshqaruvi rahbariyati tomonidan yuzlab murojaatlar sayyor uchrashuv davomida ko‘rib chiqildi. Aholi va tadbirkorlarning ko‘plab murojaatlari tadbirlar davomida o‘z yechimini topdi.
Shuningdek, sayyor uchrashuvlarda “Har bir oila – tadbirkor” davlat dasturi doirasida imtiyozli kreditlar ajratishning tartiblari, tadbirkorlar uchun bankda mavjud xorijiy kredit liniyalari, iste’mol va ipoteka kreditlari, qo‘yingki, aholi va tadbirkorlarni qiziqtirgan barcha masalalar bo‘yicha tushuntirishlar berildi.
Ochiq muloqot ruhida o‘tgan tadbirlarda tadbirkorlar o‘z faoliyatiga xalal berayotgan muammolarni bildirdilar va ko‘plab takliflar o‘rtaga tashlandi. Hududlarni ijtimoiy-iqtisodiy rivojlantirishga qaratilgan biznes loyihalarga sarmoya ajratish muhokamalar markazida bo‘ldi. Eksport qiluvchi korxonalarni moliyaviy qo‘llab-quvvatlash bo‘yicha aniq chora-tadbirlar belgilandi.
“Qishloq qurilish bank” vakillari sayyor uchrashuvlar doirasida hududlardagi qator kichik biznes subyektlarida ham bo‘lib, tadbirkorlarning ishlab chiqarish quvvatlarini texnologik yangilash, eksportni oshirishga va qo‘shimcha ish o‘rinlari tashkil etishga qaratilgan biznes loyihalarini moliyalashga kelishildi.Sayyor uchrashuvlar respublikaning boshqa hududlarida ham davom etmoqda.
“Qishloq qurilish bank” — farovon hayotingiz xizmatida!
Murojaat uchun:
Telefonlar: (+99878) 150-93-39, 150-39-93
Veb sayt: www.qqb.uz
Telegram: https://t.me/QQBANK
Facebook: FB.com/official.qqb.uz
Bank axborot xizmati
Reklama huquqi asosida.
Izoh (0)