Тақдимот 14 август куни Hyatt Regency Tashkent меҳмонхонасида «Ўзбектуризм» кўмагида бўлиб ўтди. Грузия — Кавказнинг жануби-ғарбий қисмида жойлашган мамлакат. Бу Шарқий Европанинг Қора денгиз соҳилида, Европа ва Осиё қитъаларининг туташган қисмида жойлашган кичик бир давлат ҳисобланади. Бу Қора денгиз соҳилларининг юмшоқ субтропикларини ва тоғ этакларининг гуллайдиган ва серҳосил водийларини, тоғларнинг қаттиқ тош деворлари ва Кавказ тоғ тизмасидан ўтган чуқур дараларни бирлаштирган мамлакатдир.
Кичкина Грузиянинг улкан тарихий ва маданий мероси қадимда Гомер томонидан ҳам мадҳ қилинган. Мамлакатда 10 000 га яқин маданий ва тарихий ёдгорликлар мавжуд. Грузия халқи азалдан меҳмондўстлиги ва бой анъаналари билан машҳур бўлган.
Халқаро саёҳатчилар статистикасига кўра, 2018 йилда Грузияга 8 679 544 нафар киши ва шу йилнинг дастлабки беш ойида эса тахминан 2 988 478 нафар турист ташриф буюргани қайд этилган.
Грузия миллий сайёҳлик маъмуриятининг вакили Магда Саникидзе мамлакатнинг имкониятлари ҳақидаги тақдимоти билан сўзга чиқди ва ўз нутқида у минтақа билан танишиш ҳамда дам олиш учун жуда жозибадор эканлигини таъкидлаб ўтди. Умуман олганда, сайёҳлик манбаларига 103 та курорт ва 182 та курорт зонаси, 40 та табиат ёдгорлиги, 10 та миллий боғ, 2400 та минерал сув манбаси, 12000 та тарихий ва маданий ёдгорлик киради.
Грузиянинг халқаро рейтингдаги ўрнини ҳам таъкидлаб ўтиш лозим:
— Бизнес юритиш қулайлиги кўрсаткичи бўйича 6-ўрин;
— Иқтисодий эркинлик индекси бўйича 16-ўрин;
— Хавфсизлик индекси бўйича дунёда 5-ўрин;
— Тез ривожланаётган давлатлар индекси бўйича дунёда 4-ўрин (2017), 2016 йилда эса Грузия худди шу индекс бўйича биринчи ўринни эгаллаган эди.
Либерал виза режими ва электрон визалар сайёҳларга соддалаштирилган тизим бўйича мамлакатга кириш имконини беради. Масалан, 50 мамлакатнинг яшаш ҳуқуқига эга 98 мамлакат фуқаролари Грузияга визасиз ташриф буюриши мумкин.
Грузияга ташриф буюришнинг энг муҳим 10 та сабаби
1. «Виночилик бешиги» ва мазали ошхона. Узумчилик — Грузия тарихининг ажралмас қисмидир. Бугунги кунда ноёб табиий шароитлардан моҳирона фойдаланиш, кўп асрлик тажриба ва шароб етиштиришнинг ўзига хос усулларини эҳтиёткорлик билан ишлатиш Грузия узумчилиги ва виночилиги учун жуда муҳим ҳисобланади. Шу билан бирга, халқаро шароб бозорининг талаблари инобатга олиниши керак.
Ошхонага келсак, грузин ошхонаси мамлакатдаги энг диққатга сазовор маскандир. Анъанавий Грузия байрами дастурхони — бу аллақачон халқларнинг умумий маданиятининг ажралмас қисми бўлиб, грузин дастурхони ушбу юқори даражага мос келиши керак. Шу сабабли грузин ошхонаси Кавказорти, шунингдек, Осиё ва Қора денгиз яқинидаги кўплаб халқларининг энг яхши ошпазлик анъаналарини ўзида мужассамлаштирган. Харчо, хачапури, хинкали ва бошқа кўплаб егуликларни Грузиянинг меҳмондўст дастурхонида кўриш мумкин.
2. Бой маданият. Грузия маданияти — бу экзотик, сирли ва қадимий маданият бўлиб, унинг тарихи минг йилликларга бориб тақалади. Кичик Осиё, Европа, Форс, Араб, Усмонли ва Узоқ Шарқ маданиятлари элементлари Грузиянинг ўзига хос этник хусусиятига таъсир кўрсатган ва уни дунёдаги энг ноёб ва меҳмондўст маданиятлардан бирига айлантирган. Грузинлар анъанавий равишда меҳмонларни самовий туҳфа эканлигига ишонади, шунинг учун уларнинг самимийлиги ва ноодатий назокати ҳар қандай саёҳатчининг қалбини забт этади.
3. Ноёб алифбо. Грузин тили махсус алифбо тизимига эга, дунёдаги минглаб энг хилма-хил тиллар фойдаланадиган оз сонли алифбо тизимларидан бири. Замонавий грузин алифбоси 33 ҳарфдан иборат бўлиб, у эрамиздан аввалги V асрдан кейингина арамей ва юнон ёзувлари таъсири остида яратилган. Илк асрлардан бошлаб қадимги грузин мрловани (асомтаврули) ёзуви қўлланилган. IX асрдан бошлаб Нусхури (черков) ёзуви ва XI асрдан бошлаб эса Мхедрули (фуқаролик) ёзуви қўлланила бошланган. Грузин алифбосининг ҳар бир ҳарфи санъат асари ҳисобланади.
4. UNESCOнинг бутунжаҳон мероси объектлари. Грузия 1992 йил 4 ноябрда Умумжаҳон маданий ва табиий меросини муҳофаза қилиш тўғрисидаги конвенсияни ратификация қилган. Грузияда жойлашган биринчи объектлар 1994 йилда UNESCOнинг Бутунжаҳон мерос қўмитасининг 18-сессиясида рўйхатга олинган. Булар — Грузиянинг қадимги пойтахти, Мсхета шаҳридаги Светицховелининг XI аср патриархал собори, VII асрнинг Жвари ибодатхонаси, Тбилиси яқинида жойлашган Мсхетадаги XI асрнинг Самтавро монастири, шунингдек, Кутаисидаги XI асрнинг Баграт Ибодатхонаси ва XII асрнинг Гелати монастирларидир.
5. Европадаги энг баланд манзилгоҳ (Ушгули). Грузиядаги энг баланд тоғ овули хушманзара Юқори Сванетининг энг узоқ бурчагида, қорли тоғлар этагида, овлоқ жойда жойлашган. Бу жойга етиб боришнинг мушкуллигига қарамай, бу маскан ушбу ажойиб мамлакатга ташриф буюрган ҳар қандай сайёҳнинг орзуси ҳисобланади. Ушгули овули денгиздан 2200 метр баландликда жойлашган бўлиб, у Европадаги энг баланд тоғли аҳоли пунктларидан биридир.
Ҳақиқатан ҳам бу ҳолатда Европа ва Осиё ўртасидаги чегара қаердан ўтгани номаълум, аммо жуда чиройли жаранглайди, тўғрими? Буни аниқ ва ишонч билан айтиш мумкинки, бу Грузиянинг одамлар яшайдиган энг баланд тоғли жойидир. Ҳа, гап баландликда эмас, балки деярли ўрта асрлар овулини ўраб турган гўзаллик ҳақидадир.
6. Биринчи Европа цивилизацияси. Европа цивилизацияси дастлаб айнан Грузияда пайдо бўлган. Ҳозирги Ғарбий Грузия ҳудудида юқори палеолит даврида бир киши ипни ихтиро қилади (34 минг йил олдин). Бу одатий ихтиро бўлиб туюлиши мумкин эди, аммо бу жуда катта ўзгаришларга сабаб бўлган. Бу ота-боболарга кийимларни тўқиш ва тузатиш, поябзал яратиш ва уйни оддий буюмлар ёрдамида ўраб олишга имкон берган. Ушбу топилмага қадар келиб чиқиши Имеретия вилоятидан бўлган киши Чехияда аниқланган қичитқи ўтли топилма энг қадимий ип деб ҳисобланган. Аммо 2007 йилда кашф этилган грузин зиғир толаси деярли 5 минг йиллик тарихга эга.
7. Флора ва фауна. Грузиянинг табиати кўп қиррали, аммо шунчаки бетакрордир. Миллий боғлар ва қўриқланадиган ҳудудлар мамлакатнинг 7 фоизини ташкил қилади. Ҳимояланган ҳудудларнинг 75 фоизи ўрмонлардан иборат. Грузия 14 та миллий қўриқхона, 9 та миллий боғ, 17 та муҳофаза қилинадиган ҳудуд, 14 та миллий ёдгорлик ва 2 та қўриқланадиган ландшафтга эга.Грузияда бошқа давлатлар билан солиштирганда, катта ўрмон майдони ва баланд алп зонаси туфайли ҳайвонларнинг кўпроқ турлари яшайди. Эндемик флора ва ҳайвонот дунёси (эндемик — ўсимликлар ва ҳайвонлар, уларнинг тарқалиши нисбатан кичик ҳудуд билан чекланган) жуда кўп. Биргина ўсимлик дунёсида 500 га яқин эндемик ўсимлик турлари мавжуд. Риони дарёсининг соҳилидаги Элдар тизмасининг қояли жарликларида дунёда йўқ бўлиб кетиш хавфи остидаги Элдар қарағайзорлари сақланиб қолинган.
Ҳайвонот дунёсининг эндемик турлари орасида қуйидагиларни қайд этиш мумкин. «Қушлар қироли» — грузин ва колхид қирғовулини, фақатгина Абхазия, Сванетия ва Аджариянинг тоғли қисмларида учратиш мумкин бўлган прометей сичқони ўзининг ноёб бурама шохлари билан Кавказ такаси.
8. Серқуёш ўлка ва денгиз курортлари. Грузияда денгизда дам олиш бу ерда ёзги таътилни ўтказишнинг энг машҳур усулларидан биридир. Қора денгиз тўлқинлари, пухта ўйланган пляжлар, мевалар ва иссиқ қуёш — бу тўйинган ҳордиқнинг таркибий қисмидир. Грузиянинг асосий денгиз курорти Батуми шаҳри ҳисобланади. Батумидаги пляжлар асосан тошлардан иборат. Денгиз нисбатан тоза, сув эса илиқ. Пляжларда одамлар сони, ҳатто сайёҳлик мавсумининг энг авжига чиққан пайтида ҳам унчалик кўпчиликни ташкил этмайди — ҳар доим бўш жойлар мавжуд.
Ўз-ўзидан дам олиш учун Кобулети энг мақбул вариант ҳисобланади. Кобулети замонавий курорт ва одатий совет курортининг аралаш турига ўхшайди. Бу ерда сиз замонавий меҳмонхоналарни ҳам, хусусий секторда катта турар жойларни ҳам топишингиз мумкин. Шунингдек, Грузия Гонио ва Квариати, Чакви, Сарпи курорти, Григолети ва бошқа кўплаб қишлоқлар билан машҳур.
9. Тоғлар ва саёҳатлар. Грузия тоғлари тафаккурни кенгайтирадиган ва бир вақтнинг ўзида қатъийликни талаб қиладиган жой. У ерда сиз дам олишингиз, кундалик ташвишлардан қочишингиз ва ўзингизнинг янги қирраларингизни кашф қилишингиз мумкин. Яқинда тоғ аҳолиси меҳмонларни қабул қилиш учун ўз уйларини меҳмонхоналарга айлантиришни бошлади, шунинг учун уй-жой бозори, ҳатто олис жойларда ҳам кенгаймоқда. Баъзи манзиллар, масалан, Казбеги ёки Местия юқори тоифадаги меҳмонхоналарни таклиф этади, уларда сиз табиатнинг софлиги ва сокинлигидан баҳраманд бўлишингиз мумкин.
10. Янги йўналиш. Грузия — сайёҳлик саноатидаги янги йўналиш. Бу Ўзбекистон фуқаролари учун ушбу ёзда узоқ кутилган тўғридан-тўғри Тошкент—Тбилиси рейсининг очилиши билан боғлиқдир. Ўзбекистон ва Грузия авиация маъмурлари бир неча ой давом этган икки мамлакат ўртасидаги ҳаво қатновларини бошлаш бўйича музокараларни муваффақиятли якунлади.
Жорий йилнинг биринчи чорагида Ўзбекистондан Грузияга ташрифлар сони рекорд даражада ўсди. Январь—март ойларида Ўзбекистон фуқаролари Грузияга 4,5 минг мартадан кўпроқ ташриф буюрди, бу 2018 йил кўрсаткичларига нисбатан 279,4 фоизга кўп.
Грузиянинг фавқулодда ва мухтор элчиси Зураб Абдушелишвили ушбу тадбирда сайёҳлик салоҳияти тақдимоти доирасида сўзга чиқиб, мамлакат ҳар доим меҳмонларни қабул қилишдан мамнун эканлигини таъкидлади.
Тақдимотдан сўнг Грузиянинг асосий сайёҳлик компаниялари ўз тажрибалари билан ўртоқлашди ва Ўзбекистон компанияларини B2B сессияси доирасида ҳамкорликни таклиф қилди. Шунингдек, меҳмонларга грузин ошхонасининг лаззатли таомлари билан тўлдирилган дастурхон ёзилди.
Реклама ҳуқуқи асосида.
Изоҳ (0)