Бухоро вилояти ҳудудида давлат солиқ хизмати алкоголли ва тамаки маҳсулотларининг ноқонуний савдосига барҳам беришга қаратилган назорат тадбирлари ўтказди. Бу ҳақда Бухоро вилояти солиқ хизмати матбуот хизмати хабар бермоқда.
Бухоро шаҳрининг «Дилкушо» МФЙ ҳудудида фуқаро Ш.Н. ноқонуний равишда, ҳужжатларсиз алкоголь маҳсулотларини сотганлиги аниқланди. Унинг 98 турдаги 873 дона жами баҳоси 16 400 000 сўмлик алкоголь маҳсулоти холис гувоҳлар иштирокида вақтинча сақлаш учун расмийлаштирилиб олинди.
Шунингдек, Бухоро тумани Хасан Аттор қишлоғидаги дўконда ўтказилган профилактик тадбир жараёнида ҳам фуқаро Ж.Х. томонидан савдога қўйилган 3 турдаги 53 дона 1 055 000 сўмлик алкоголь маҳсулотининг ноқонуний савдосига чек қўйилди.
Маълумот ўрнида, шу йилнинг июль ойида ўтказилган профилактик тадбирларда 16 та алкоголь маҳсулоти билан ноқонуний савдо қилиш ҳолатлари аниқланиб, 213 турдаги жами баҳоси 25 000 000 сўмга яқин алкоголь маҳсулотлари савдодан олиб қўйилди.
Изоҳ (0)