Қашқадарёда икки фуқаронинг ўзаро жанжали уларнинг бири касалхонага ётқизилиши билан якунланди, деб хабар берди ИИВ Жамоатчилик ва ОАВ билан алоқалар бошқармаси.
14 август куни соат 21:00 ларда Қашқадарё вилоятининг Қамаши тумани «Бобуртепа» МФЙда яшовчи 29 ёшли Б.Ч. уйида ўзаро жанжал оқибатида «Пастол» қишлоғида яшовчи поччаси 38 ёшли Э.Р.нинг бошига ўроқ билан уриб, жароҳат етказган. Натижада Э.Р. касалхонага ётқизилган.
Ҳолат юзасидан жиноят иши қўзғатилиб, Б.Ч. ушланган. Тергов ҳаракатлари олиб борилмоқда.
Изоҳ (0)