Ўзбекистондаги Гейдар Алиев номидаги Озарбайжон маданият маркази лойиҳасига кўра илк маротаба «Озарбайжон-ўзбек ва ўзбек-озарбайжон луғати» нашр этилди.
Мазкур лойиҳани амалга оширишда Озарбайжон Миллий фанлар академиясининг Низомий номидаги тилшунослик институти ва Ўзбекистон Фанлар академияси ходимлари, ҳар икки давлат олимлари фаол иштирок этди.
Луғатга жами 23 мингдан ортиқ сўз ва ибора, ҳар икки тилда қўлланиладиган транскрипциялар киритилган.
Ушбу икки тил тарихий тараққиёт йўли турлича бўлишига қарамай, турк тили уларнинг асосини ташкил этади. Озарбайжон тили сингари ўзбек тили ҳам туркий тилларнинг ўғуз ва қарлуқ тил гуруҳига киради. Умумфойдаланиладиган луғатни чоп этишдан кўзланган асосий мақсад ушбу тиллар ўртасида ўзига хос кўприкни яратишдир.
Изоҳ (0)