12 августнинг эътиборга молик янгиликлари — «Дарё» дайжестида.
Санкт-Петербургда ўзбекистонлик эркак дўсти билан Ўзбекистон фуқароси бўлган хонадош аёлни зўрлади.
«Участка нозирининг воқеа жойида аниқлашича, Димитрова кўчасидаги 17-уйнинг хонадонида 35 ёшли жабрланувчи аёлнинг хонадоши ва ватандоши бўлган эркак ўз дўсти билан уни навбат билан зўрлаган», — дейилади хабарда.
***
Тошкентда 24 августдан бошлаб совуқ сув ва оқова сув (канализация) нархи оширилади.
Янги нархга кўра, бир метр куб совуқ сув 310 сўм + 100 сўм махсус устамани ташкил қилади. Ҳозирда ушбу қиймат 280 сўм + 100 сўмни ташкил этмоқда.
***
Самарқандлик йигит рашк туфайли опа-сингилларни пичоқлади.
«А.С. ўзининг ёнида бўлган пичоқ билан опа-сингилларнинг юз ва бошқа соҳаларини бир неча маротаба кесиб, уларга ўртача оғирликдаги тан жароҳатлари етказган», — дейилади хабарда.
***
Саудия Арабистони подшоҳи меҳмони бўлган ўзбекистонликлар Қурбон ҳайити билан юртдошларни қутлади.
Саудия Арабистони подшоҳи таклифига биноан ўзбекистонлик бир гуруҳ олимлар Арафот водийсида турли давлатлардан келган нуфузли уламолар билан биргаликда Ҳаж амалларини адо этмоқда.
***
Ўзбекистон Президенти Шавкат Мирзиёев раислигида 12 август куни иқтисодиёт тармоқлари ва ҳудудларнинг экспорт салоҳиятини ошириш ва улардан самарали фойдаланиш, инвестицияларни, аввало, тўғридан-тўғри хорижий инвестицияларни жалб қилиш ва ўзлаштириш, ишлаб чиқаришни маҳаллийлаштириш кўламини кенгайтириш масалаларига бағишланган видеоселектор йиғилиши ўтказилди.
Йиғилишда «Ўзтўқимачиликсаноати» уюшмаси, «Ўзбекозиқовқатхолдинг» компанияси ҳамда Тошкент шаҳри, Фарғона, Андижон ва Тошкент вилоятларида экспортни кўпайтириш бўйича мавжуд имкониятлардан тўлиқ фойдаланилмаётгани кўрсатиб ўтилди. Мутасадди раҳбарлар экспортёрларнинг муаммолари билан тизимли шуғулланмаётгани, давлат томонидан яратилган имкониятларни тадбиркорларга етказиб, уларнинг ташқи бозорга чиқишига кўмаклашмаётгани танқид қилинди.
Изоҳ (0)