12-avgustning e’tiborga molik yangiliklari — “Daryo” dayjestida.
Sankt-Peterburgda o‘zbekistonlik erkak do‘sti bilan O‘zbekiston fuqarosi bo‘lgan xonadosh ayolni zo‘rladi.
“Uchastka nozirining voqea joyida aniqlashicha, Dimitrova ko‘chasidagi 17-uyning xonadonida 35 yoshli jabrlanuvchi ayolning xonadoshi va vatandoshi bo‘lgan erkak o‘z do‘sti bilan uni navbat bilan zo‘rlagan”, — deyiladi xabarda.
***
Toshkentda 24-avgustdan boshlab sovuq suv va oqova suv (kanalizatsiya) narxi oshiriladi.
Yangi narxga ko‘ra, bir metr kub sovuq suv 310 so‘m + 100 so‘m maxsus ustamani tashkil qiladi. Hozirda ushbu qiymat 280 so‘m + 100 so‘mni tashkil etmoqda.
***
Samarqandlik yigit rashk tufayli opa-singillarni pichoqladi.
“A.S. o‘zining yonida bo‘lgan pichoq bilan opa-singillarning yuz va boshqa sohalarini bir necha marotaba kesib, ularga o‘rtacha og‘irlikdagi tan jarohatlari yetkazgan”, — deyiladi xabarda.
***
Saudiya Arabistoni podshohi mehmoni bo‘lgan o‘zbekistonliklar Qurbon hayiti bilan yurtdoshlarni qutladi.
Saudiya Arabistoni podshohi taklifiga binoan o‘zbekistonlik bir guruh olimlar Arafot vodiysida turli davlatlardan kelgan nufuzli ulamolar bilan birgalikda Haj amallarini ado etmoqda.
***
O‘zbekiston Prezidenti Shavkat Mirziyoyev raisligida 12-avgust kuni iqtisodiyot tarmoqlari va hududlarning eksport salohiyatini oshirish va ulardan samarali foydalanish, investitsiyalarni, avvalo, to‘g‘ridan to‘g‘ri xorijiy investitsiyalarni jalb qilish va o‘zlashtirish, ishlab chiqarishni mahalliylashtirish ko‘lamini kengaytirish masalalariga bag‘ishlangan videoselektor yig‘ilishi o‘tkazildi.
Yig‘ilishda “O‘zto‘qimachiliksanoati” uyushmasi, “O‘zbekoziqovqatxolding” kompaniyasi hamda Toshkent shahri, Farg‘ona, Andijon va Toshkent viloyatlarida eksportni ko‘paytirish bo‘yicha mavjud imkoniyatlardan to‘liq foydalanilmayotgani ko‘rsatib o‘tildi. Mutasaddi rahbarlar eksportyorlarning muammolari bilan tizimli shug‘ullanmayotgani, davlat tomonidan yaratilgan imkoniyatlarni tadbirkorlarga yetkazib, ularning tashqi bozorga chiqishiga ko‘maklashmayotgani tanqid qilindi.
Izoh (0)