12 август, душанба куни Ўзбекистон Ташқи ишлар вазири ўринбосари Дилшод Ахатов Кореянинг фавқулодда ва мухтор элчиси Кан Чже Квон билан учрашди. Бу ҳақда ТИВ матбуот хизмати хабар берди.
Суҳбат чоғида Ўзбекистон—Жанубий Корея кун тартибининг долзарб масалалари юзасидан фикр алмашилди.
Ўзбекистон Олий Мажлиси сенати раиси Танзила Норбоева бошчилигидаги делегациянинг жорий йил 6—9 августдаги Корея республикасига ташрифининг муваффақиятли якунлари мамнуният билан қайд этилди.
ТИВдаги учрашувда сиёсат, парламентлараро ҳамкорлик, фармацевтика, тиббиёт, таълим ва маданият соҳаларида бўлажак қўшма тадбирларни ўтказишнинг амалий жиҳатлари ҳам кўриб чиқилди.
Изоҳ (0)