Футбол бўйича Ўзбекистон Суперлигасининг 16-тур баҳсларига 10 август, шанба куни старт берилади.
Термизда «Сурхон» жамоаси амалдаги чемпион «Локомотив»ни қабул қилади. Сурхонликлар биринчи даврдаги 1-5 ҳисоби учун «темирйўлчилар»дан реванш олишга ҳаракат қилиб кўради. Қайд этиш жоиз, аввалроқ «Сурхон» Ўзбекистон Кубогида «Локомотив»ни мағлуб этиб, чорак финалга чиққанди.
Самарқанднинг «Динамо» клуби эса ўз майдонида «Қўқон-1912»ни меҳмон қилади. Самарқандликлар ўтган турда «Локомотив»га 0:2 ҳисобида имкониятни бой берганди. Қўқон клуби эса ўз уйида Жиззахнинг «Сўғдиёна»сига 1:2 ҳисобида таслим бўлганди.
Иккала учрашув ҳам 18:00 да бошланиши белгиланган.
Ўтган турда «Бухоро» билан муроса кўчасини танлаган «Навбаҳор» бу сафар ўз уйида Миржалол Қосимов бошчилигидаги ОКМКни меҳмон қилади. Қайд этиш лозим, ОКМК 15-турда «Андижон» билан 2:2 ҳисобида дуранг қайд этганди. Ўйин 18:00 да старт олиши режалаштирилган.
15-турда «Қизилқум» дарвозасига жавобсиз бешта гол урган «Пахтакор» Тошкентда «Бухоро»ни синовдан ўтказади. Беллашув 20:00 да бошланади.
Соcа-Cола Суперлигаси
16-тур баҳслари
10 август, шанба
«Сурхон» — «Локомотив» 18:00
«Динамо»—«Қўқон-1912» 18:00
«Навбаҳор«—ОКМК 20:00
«Пахтакор»—«Бухоро» 20:00
11 август, якшанба«Металлург»—«Андижон» 20:00
«Насаф»—«Бунёдкор» 20:00
«Сўғдиёна»—«Қизилқум» 20:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)