9 август, жума куни футбол бўйича Франция чемпионатининг янги мавсумига старт берилди.
Мавсумнинг илк ўйинида «Монако» ва «Лион» жамоалари ўзаро баҳсга киришди.
Учрашувнинг 5-дақиқасида Мусса Дембеле «Лион»ни олдинга олиб чиқди. 30-дақиқада мезбонлар Франсеск Фабрегаснинг четлатилишидан кейин бир киши кам бўлиб қолди.
36-дақиқада Мемфис Депай ҳисобни оширган бўлса (0:2), ўйин якунланиши арафасида Люка Тузар жамоасининг учинчи голини урди.
Шу тариқа, ўтган мавсумни муваффақиятсиз ўтказган «Монако» йирик ҳисобда мағлуб бўлди.
Франция чемпионати
1-тур
9 август, жума
«Монако» – «Лион» 0:3
Голлар: 0:1 – 5 Дембеле, 0:2 – 36 Депай, 0:3 – 80 Тузар.«Монако» – Лекомт, Агиляр, Глик, Панзо, Балло-Туре, Ҳенрихс (Траоре, 74), Жемерсон, Желсон Мартинш, Фабрегас, Рони Лопеш (Силла, 81), Фостер (Бошиля, 46).
«Лион» – Антони Лопеш, Дюбуа, Андерсен, Денаер, Коне (Тете, 86), Тиаго Мендес, Тузар, Ауар (Жан Лукас, 77), Траоре (Корне, 83), Дембеле, Депай.
Огоҳлантиришлар: Ауар (33), Беналё (33), Балло-Туре (54), Дюбуа (63).
Четлатиш: Фабрегас (30).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)